បរទេស៖ គំនូរលើផ្ទាំងក្រណាត់ធំបំផុតលើពិភពលោក ដែលមានទំហំប្រមាណ ១,៥៧៩ម៉ែត្រការ៉េ បែងចែកជា ៧០ផ្នែក របស់វិចិត្រករជនជាតិអង់គ្លេសវ័យ ៤៤ឆ្នាំម្នាក់ បានលក់ក្នុងតម្លៃស្ទើរតែមិនគួរឲ្យជឿនាពេលថ្មីៗនេះ។

លោក Sacha Jafri បានបង្កើតគំនូរនេះឡើង ក្នុងគោលបំណងរៃអង្គាសប្រាក់តែចំនួន ៣០លានដុល្លារអាមេរិកប៉ុណ្ណោះ ដើម្បីបង្កើតមូលនិធិជួយផ្នែកសុខភាពអនាម័យ និងការអប់រំដល់កុមារនៅតាមតំបន់ក្រីក្រនានានៅលើពិភពលោក។ ផ្ទាំងគំនូរនេះ មិនមែនត្រូវបានគូរទាំងស្រុងដោយលោក Jafri តែម្នាក់ឯងនោះទេ តែក្មេងៗមកពី១៤០ប្រទេស បានផ្ញើស្នាដៃសិល្បៈរបស់ពួកគេតាមអ៊ីនធឺណេត ដើម្បីដាក់ផ្គុំជាមួយគំនូររបស់លោក ហើយបេសកម្មនេះបានបញ្ចប់កាលពីចុងខែកញ្ញាឆ្នាំមុន។

ផ្ទាំងគំនូរដ៏ធំមហិមានេះ ត្រូវបានលោក Abdoune ដែលជាជនជាតិបារាំងរស់នៅប្រទេសអារ៉ាប់រួម ទិញយកទាំង ៧០ផ្នែក នៅឯកម្មវិធីដាក់ដេញថ្លៃកាលពីថ្ងៃអង្គារ ទី២៣ ខែមីនា ឆ្នាំ២០២១ នៅឯសណ្ឋាគារផ្កាយ ៥ មួយកន្លែង។ អ្នករៀបចំកម្មវិធីដេញថ្លៃបាននិយាយថា គំនូរនេះត្រូវបានលក់ក្នុងតម្លៃ ៦២លានដុល្លារអាមេរិក ដែលជាតម្លៃទ្វេដងនៃគោលដៅថវិកា ដែលគ្រោងជួយដល់កុមារ។

គួរឲ្យដឹងថា ស្នាដៃដ៏អស្ចារ្យនេះត្រូវបានបញ្ជាក់ដោយ Guinness World Records ថាជាគំនូរលើផ្ទាំងក្រណាត់ធំជាងគេនៅលើពិភពលោក ដែលកំពុងដាក់បង្ហាញនៅក្នុងសាលនៃសណ្ឋាគារ ក្នុងទីក្រុងឌូបៃ៕

សូមទស្សនារូបភាពខាងក្រោម៖

ផ្ទាំងគំនូរ
ផ្ទាំងគំនូរ
  លោក Sacha Jafri 
ផ្ទាំងគំនូរ ដាក់បង្ហាញនៅសណ្ឋាគារ
ផ្ទាំងគំនូរ ដាក់បង្ហាញនៅសណ្ឋាគារ
ផ្ទាំងគំនូរ ដាក់បង្ហាញនៅសណ្ឋាគារ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ