តាមពិតទៅមនុស្សប្រុសជាសន្តានមនុស្សមួយប្រភេទដែលរឹងមាំ ពូកែខាងអត់ធ្មត់ និងតែងជម្នះរាល់ឧបសគ្គទាំងក្នុងជីវិត គ្រួសារ និងការងារផងដែរ។ ដោយឡែកក្នុងរឿងស្នេហាវិញ បុរសៗអាចនឹងប្រែប្រួលដោយមិនដឹងខ្លួន តែងកុំបន្ទោសគេតែម្ខាងអី ពីព្រោះថាដៃម្ខាងទះមិនឮសម្លេងនោះទេ។ ដូចនេះទៅមើលមូលហេតុ ២ ខាងក្រោម ដែលបណ្តាលឲ្យបុរសប្រែជាសោះកក្រោះ៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចំណុចទី១: មនុស្សស្រីចាប់ផ្តើមចង់ “រក្សាគេទុកជាកម្មសិទ្ធ”
និយាយទៅ អ្នកណាក៏ត្រូវការសេរីភាព និងភាពឯករាជ្យសម្រាប់ខ្លួនឯងដែរ ដូចនេះចំពោះគេស្នេហ៍គួរតែផ្តល់សិទ្ធិឲ្យគ្នាឲ្យបានត្រឹមត្រូវ មិនត្រូវតាមតែចិត្តខ្លួនឯងទេ ដឹងនៅ? ដូចនេះស្រ្តីត្រូវសង្កេតមើលសកម្មភាពខ្លួនឯងជាប្រចាំ កុំឱ្យវាហួសហេតុពេកណា។
ចំណុចទី២: រករឿងឈ្លោះ និងប្រចណ្ឌច្រើន
ឱ្យតែស្រលាញ់ហើយទោះព្យាយាមឃាត់ចិត្តយ៉ាងណាក៏ដោយក៏នៅតែមាន ការប្រចណ្ឌកើតមានដដែលហ្នឹង តែវាទាស់តែតិចឬច្រើនប៉ុណ្ណោះ។ មិនថាមនុស្សស្រី ឬ ប្រុសទេពួកគេអាចកើតមាននូវចិត្តប្រចណ្ឌរៀងៗខ្លួនមិនខាន តែថាសម្រាប់មនុស្សដែលមានចរិតរឹងមាំ គេមិននិយាយអីច្រើនទេ ហើយនៅតែធ្វើធម្មតា និងគូស្នេហ៍គេ តែសកម្មភាពដែលគេបង្ហាញចេញមកប្រែជាសោះកក្រោះ និងព្រងើយហើយពីព្រោះគេ យល់ថាហត់ចិត្ត។
ដូចនេះ ដើម្បីឲ្យសម័្ពន្ធភាពស្នេហាមួយដែលខិតខំកសាងនេះមានភាពស្រស់ស្អាតនោះ គូស្នេហ៍ត្រូវចេះតស៊ូ និងអត់ធ្មត់ មិនយកអារម្មណ៍ឲ្យដឹកមុខទើបប្រសើរ ពីព្រោះមនុស្សដែលយកអារម្មណ៍មកធ្វើការតែងតែបន្សល់ទុកនូវភាពឈឺចាប់៕