អ្នកដែលចុចអាននេះ ប្រហែលជាមានអតីតកាលជូរចត់ហើយ បានចង់ដឹងវិធីសាស្រ្តបែបនេះ។ តែមុនដឹងពីវិធីសាស្រ្តទាំងនោះ អ្នកនិពន្ធម្នាក់នេះចង់ប្រាប់ថា អ្នកមិនមែនជាមនុស្សតែម្នាក់ដែលឆ្លងកាត់ការលំបាក ឬ ភាពជូរចត់ឡើយ ដូច្នេះអ្នកគួរប្រើប្រាស់បទពិសោធន៍នេះ ធ្វើឱ្យខ្លួនអ្នករឹងមាំវិញ ហើយត្រូវចាំថាបទពិសោធន៍បែបណាក៏ដោយនឹងធ្វើឱ្យអ្នកកាត់តែរឹងមាំ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដូច្នេះដើម្បីបំភ្លេចអតីតកាលមិនល្អបាន អ្នកត្រូវ៖
១. ចាប់ផ្តើមនិយាយ
ការនិយាយពីអតីតកាលមិនល្អ វាពិបាកណាស់ តែវាមានប្រសិទ្ធិភាពជាទីបំផុត។ ប្រសិនជាអ្នកអាចចែករំលែកបទពិសោធន៍មិនល្អរបស់អ្នក ទៅកាន់អ្នកដទៃ ឬក្រុមណាមួយ ដែលមិនចាំបាច់ថា អ្នកទាំងនោះគឺជា មិត្តជិតស្និតរបស់អ្នក ឬបងប្អូននោះទេ អ្នកនឹងបង្កើនភាពស៊ាំ ហើយកាត់បន្ថយអារម្មណ៍តានតឹងរបស់អ្នកបាន។ អ្នកក៏អាចស្វែងរកអ្នកចិត្តសាស្រ្ត អ្នកប្រឹក្សាផ្លូវចិត្ត ដើម្បីទទួលបានការប្រឹក្សាដែលប្រកបដោយក្រមសីលធម៌ផងដែរ។ ហើយការធ្វើដូចច្នេះ នឹងធ្វើឲ្យអ្នកមានអារម្មណ៍ថា អ្នកមិនឯកោទេ មានមនុស្សជាច្រើនដែលមានបញ្ហា ស្រដៀងឬដូចអ្នក ឬអាចធ្ងន់ជាងអ្នកក៏ថាបាន។
២. គិតវិជ្ជមាន
ព្យាយាមធ្វើអ្វីក៏ដោយក្នុងជីវិតដោយភាពវិជ្ជមាន។ កុមារភាពរបស់អ្នកគ្រាន់តែជាអតីតកាលតែប៉ុណ្ណោះ ដូចនេះមនុស្ស ឬព្រឹត្តិការណ៍ដែលអ្នកបានជួបមិនមានទៀតឡើយ។ ទោះបីជាមាន អ្នកក៏មិនពឹងផ្អែកលើអ្នកដទៃទៀតដែរ ព្រោះអ្នកជាមនុស្សពឹងផ្អែកលើខ្លួនឯង ហើយជាមនុស្សដែលដឹកនាំខ្លួនឯងដូចគ្នា។ អ្នកគួរចាំថា អ្នកមាន គ្រួសារ ដៃគូជីវិតឬ មានកូន ដូច្នេះប្រសិនបើអ្នកបន្តគិតពីអតីតកាលដែលមិនល្អ នោះវាអាចជះឥទ្ធិពលមិនល្អដល់កូន និងដៃគូរបស់អ្នកផងដែរ។ ដូចនេះឈប់គិតពីរឿងទាំងនោះ ដើម្បីឱ្យមនុស្សជុំវិញអ្នកសប្បាយចិត្តផងដែរ។
៣. ការនិយាយអំពីសុវត្ថិភាព
ប្រសិជាអ្នកមានអារម្មណ៍ថាមិនមានសុវត្ថិភាព អ្នកត្រូវតែនិយាយវាចេញមក។ ការលាក់អារម្មណ៍បែបនេះមិនអាចជួយអ្នកឲ្យធូរស្រាលនោះទេ។ វាពិតជាពិបាកក្នុងការបំភ្លេចនូវអារម្មណ៍បែបនេះ តែអ្នកត្រូវតែព្យាយាម ដើម្បីកុំឲ្យវាមកមានឥទ្ធិពលក្នុងជីវិតរបស់អ្នក ព្រោះអ្នកត្រូវការសុភមង្គល។
សរុបមក សម្ពាធ ការធុញថប់ និងការខឹងក្រោធ វិវត្តន៍រៀងរាល់ថ្ងៃ អ្នកក៏វិវត្តន៍ដូចគ្នាដែរ ហេតុនេះហើយ មិនថាអ្នកអាយុប៉ុន្មាននោះទេ ហើយរៀងរាល់ថ្ងៃអ្នកជួបប្រទះ នឹងបទពិសោធន៍ថ្មីៗ អ្វីខ្លះនោះទេ តែអតីតកាលមួយចំនួនពិតជាពិបាកបំភ្លេចណាស់។ អាស្រ័យហេតុនេះ អ្នកអាចអនុវត្តវិធីសាស្រ្តខាងលើដើម្បីលុបអតីតកាលទាំងនោះ។ យើងអាចសាងនូវកំហុស តែយើងត្រូវរៀនពីវា ដូចនេះយើងត្រូវ ដើរទៅមុខ ដោយធ្វើឲ្យរឿងទាំងអស់នោះប្រែទៅជាជំរុញធ្វើឲ្យអ្នកបានជោគជ័យ និងមានសុភមគ្គលប្រសើរជាងមុន៕