វាជារឿងធម្មតាតាំងពីយូរលង់ណាស់មកហើយមនុស្សម្នាក់ៗតែងប្រាថ្នាចង់បាននូវដៃគូរួមសុខទុក្ខនឹងគ្នាលុះចាស់កោងខ្នង តែរឿងជីវិតគូមួយនេះវាមិនងាយស្រួលក្នុងការជ្រើសរើសនោះឡើយ មានខ្លះក៏រើសចំមនុស្សប្រុសដែលល្អ មានទំនួលខុសត្រូវខ្ពស់ ចេះរកលុយកាក់ហើយថែមទាំងមានចិត្តស្មោះរវាងគ្នានឹងផងដែរ តែអ្នកខ្លះទៀតក៏រើសខុសចំមនុស្សមិនសមប្រកបដែលខ្លួនចង់បាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតែយ៉ាងណាមិញស្រីយើងមុនឈានជើងសម្រេចចិត្តរៀបការ ឬទាក់ទងនឹងបុរសណាម្នាក់គួរគិតពិចារណាឲ្យបានល្អិតល្អន់ជាមុនសិន ព្រោះថាអ្វីៗវាមិនងាយស្រួលដូចយើងគិតនោះឡើយ។ ដួចនេះ ស្រីៗត្រូវផ្ចង់អារម្មណ៍សង្កេតឲ្យច្បាស់ថា តើគ្រាន់តែលេងសើចជាមួយយើង ឬក៏កំពុងតាមស្រលាញ់ពិតប្រាកដ។
ហើយនៅថ្ងៃនេះយើងនឹងនាំយកនូវសញ្ញាណទាំង៥ របស់មនុស្សប្រុសដែលចូលចិត្តលេងសើចជាមួយនឹងមនុស្សស្រីមកជម្រាបជូនលោកអ្នកទុកជាមេរៀនសម្រាប់ខ្លួនឯង៖
៥. តែងតែលាក់បាំងពីអ្នកដទៃ មិនបើកចំហ
សម្រាប់អ្នកលេងសើច គេនឹងប្រាប់ឲ្យអ្នកជួយលាក់រឿងរបស់អ្នកទាំង២ ដើម្បីគេងាយស្រួលញ៉ែស្រីផ្សេងទៀត។
៤. គេមិនដែលសារភាពថាស្រលាញ់អ្នកទាល់តែសោះ
យ៉ាងណាក្ដី ចំពោះអ្នកដែលគ្រាន់តែចង់ញ៉ែលេង គ្មានថ្ងៃគេសារភាពនឹងអ្នកឡើយ។
៣. បង្វែងដានរាល់ពេលនិយាយដល់រឿងមនោសញ្ចេតនា
សម្រាប់អ្នកដែលចង់លេងសើចវិញ ពេលអ្នកនិយាយដល់រឿងនេះ គេនឹងបង្វែងដានទៅនិយាយរឿងផ្សេងវិញ ព្រោះមិនចង់ជំពាក់ជំពិនជាមួយអ្នកទៅថ្ងៃក្រោយ។
២. តែងតែចុច like និងដាក់រូបបេះដូងលើរូបរបស់ស្រីផ្សេង
ដូច្នេះមែននោះ សូមពិចារណាឲ្យច្បាស់ថា ហេតុការណ៍នេះកំពុងកើតឡើងចំពោះស្រីផ្សេងឬអត់? បើតាមធម្មតា អត្រានៃការកើតឡើងនេះគឺ៩០%ឯណោះ។
១. ធ្វើជាព្រួយបារម្ភ
គេតែងថាគេយកចិត្តទុកដាក់នឹងយើង តែគេបានតែមាត់ មិនដែលធ្វើអ្វីឲ្យយើងឡើយ៕