ភ្នំពេញ: ក្រោយពីមានការផ្ទុះករណីដែលសិល្បករខ្មែរពីររូប គឺអ្នកនាង កែវ ចាន់និមល និងលោក ណុប ប៉ាយ៉ារិទ្ធិបានឆ្លងជំងឺកូវីដ១៩រួចមក ភ្លាមៗនោះក៏មានមិត្តរួមសិល្ប:ជាច្រើន រួមទាំងកញ្ញា មាន សូនីតា ដែលមហាជនខ្មែរ បានស្គាល់ថា ជារាជនីក្រមានោះ បានធ្វើការសម្តែងចំណាប់អារម្មណ៍របស់ខ្លួននៅក្នុងជាអ្នកសិល្ប:ដូចគ្នា ជុំវិញបញ្ហាទាំងនេះថា៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្នុងនាមខ្ញុំជាអ្នកសិល្បៈមួយរូបដែល ខ្ញុំគិតថាប្រាកដមានទឹកចិត្តស្រដៀងគ្នា មានគោលដៅ ប្រហាក់ប្រហែលគ្នា សំខាន់គឺស្រលាញ់សិល្បៈ ក្នុងរឿងនេះខ្ញុំសុំមានយោបល់បន្តិចថាគ្មានអ្នកណាចង់ឲ្យមានរឿង គ្មានអ្នកចង់ឲ្យលងជំងឺនោះទេ បើគិតឲ្យដល់ទៅចំពោះការទៅថតស្ពតក៏ក្នុងនាមជួយសង្គមដើម្បីផ្សព្វផ្សាយអនាម័យកូវិតដែរ តែដោយហេតុការណ៍អាក្រក់ក៏មានរឿងអកុសលបែបនេះកើតឡើង ចឹងសូមបងប្អូនទាំងអស់កុំមានភាពអវិជ្ជមានមានចំពោះអ្នកសិល្បៈអី 😷🙏 ក្នុងកំឡុងពេលនេះត្រូវធ្វើចិត្តឲ្យស្ងប់ ថែសុខភាពទាំងផ្លូវកាយ ទាំងផ្លូវចិត្ត រក្សាអនាម័យ សូមឲ្យមានការប្រុសប្រយ័ត្នអោយខ្ពស់ជាងមុន ហាត់ប្រាណឲ្យទៀងទាត់ផ្អាកជួបមនុស្សមួយរយៈ តាមដានព័ត៌មានត្រឹមត្រូវ ហើយក៏សូមជូនពរឲ្យអ្នកអស់គ្នារួចចាក់ផុតពីពេលវេលាដ៏អាក្រក់មួយនេះផង 🙏។
គួររំលឹកផងដែរថា ក្រោយពីមានការឆ្លងរីករាលដាលជាសហគមន៍២០ កុម្ភ: រួចមក ស្រាប់តែពេលថ្មីៗនេះ គឺមានសិល្បការនី ដែលជាពិធីករ អ្នកនាង កែវ ចាន់និមល ត្រូវបានរកឃើញថា មានជំងឺកូវីដ១៩ ព្រមទាំងលោក ណុប ប៉ាយ៉ារិទ្ធិ ផងដែរនោះ នេះអាចសរបង្ហាញឲ្យយើងឃើញថា កូវីដ១៩ មិនទៅណាឆ្ងាយពីយើងទេ សូមប្រជាជនទូទាំងប្រទេស បន្តអនុវត្តនូវវិធានការសុវត្ថិភាព៣កុំ ៣ការពារ ដើម្បីជៀសឆ្ងាយពីជំងឺដ៏សែនកាចសាហាវមួយនេះ៕
Bong I.T