ភ្នំពេញ៖ លោក នេន ទុំ គឺជាតារាសម្តែងជើងចាស់ហើយក៏ជាតារាចម្រៀងដែលចូលចិត្តច្រៀងបទសម័យថ្មីលាយឡំនឹងសម័យបុរាណផងដែរ។ សមត្ថភាពរបស់លោកក៏ទទួលបានការគាំទ្រពីបណ្ដាទស្សនិកជនទាំងចាស់ទាំងក្មេង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក នេនទុំ ជាតារាប្រុសម្នាក់ដែលព្យាយាមរកអ្វីដែលថ្មីៗហើយប្លែកៗមកសម្ដែង និងនិពន្ធជាបទចម្រៀងហើយរាល់បទចម្រៀងគាត់សុទ្ធសឹងតែជាបទញ៉ាក់កន្រ្តាក់អារម្មណ៍ និងបទរាំវង់បែបសប្បាយៗ ហើយគាត់កម្រនឹងចេញបទចម្រៀងបែបកម្សត់ និងមនោសញ្ចេតនាណាស់។ ប៉ុន្តែថ្មីៗនេះលោកបានចេញបទចម្រៀងមួយបទបែបកម្សត់ ដែលរៀបរាប់អំពីអ្នកម្តាយ ដែលមានអត្ថន័យចាក់ដោតខ្លាំង។
ជាក់ស្ដែងកាល់ពីថ្ងៃទិវាសិទ្ធិនារី ៨មីនា ម្សិលមិញនេះ លោក នេន ទុំ បានចេញបទចម្រៀងមួយបទដែលមានចំណងជើងថា «កូនស្រលាញ់ម៉ែ»។ បទចម្រៀងមួយបទនេះផងដែរ គឺជាបទចំរៀងដែលបង្ហាញអំពីជីវិតពិតរបស់ម្តាយគ្រប់រូប ដែលមានបន្ទុកធ្ងន់ក្នុងការចិញ្ចឹមបីបាច់កូនៗ តាំងពីកូននៅក្មេងរហូតដល់កូនធំពេញវ័យ។ បទចម្រៀងនេះ ក៏បានរួមបញ្ជូលទាំងអប់រំអោយកូនៗគ្រប់រូបចេះគិតអំពីគុណដ៏ធំធេងរបស់អ្នកម្ដាយ។
សូមទស្សនាវីដេអូខាងក្រោម៖
Bong I.T