នៅពេលដែលមនុស្សបានជួបប្រទះនូវបញ្ហាក៏ដូចជាវិបត្តិអ្វីមួយពិតណាស់ថា ពួកគេត្រូវខ្វល់ខ្វាយកើតទុក្ខ សោក​សង្រេង​ជាមួយវា អ្នកខ្លះក៏ចេះរកវិធីរំសាយអារម្មណ៍មិនឳ្យតានតឹងយូរ ប៉ុន្តែមនុស្សមួយចំនួនទៀតហាក់​ដូចជា​យប់​ងងឹត​រកពន្លឺថ្ងៃមិនឃើញយ៉ាងអញ្ចឹង។ ដោយឡែកខាងក្រោមនេះគឺជាវិធីសាស្រ្ត ៣ យ៉ាងដែលអាចជួយឳ្យអ្នក​មាន​ភាព​ស្រស់បំព្រងជានិច្ច បើទោះបីជាអ្នកកំពុងស្ថិតនៅក្នុងស្ថានភាពបែបណាក៏ដោយ៖

/ បើកចិត្តទទួលយករឿងដែលកំពុងកើតមាន

រូបតំណាង

វិធីនេះអាចនឹងពិបាកធ្វើចិត្តបន្តិច ក៏ប៉ុន្តែនេះជារឿងមួយដែលអ្នកមិនអាចប្រកែកបានទេថាអ្វីដែលអ្នកកំពុងជួបប្រទះ វាជារឿងពិតមិនមែនសុបិន្តឡើយ បើកចិត្តទទួលយកនោះអ្នកនឹងមិនមានអារម្មណ៍ថា​ហត់ចំពោះរឿង​ដែលកើត​ឡើង​នោះទេ។

/ ស្រឡាញ់ខ្លួនឯងឳ្យបានច្រើន

រូបតំណាង

ទោះជាកំពុងស្ថិតនៅក្នុងស្ថានភាពធ្ងន់ធ្ងរយ៉ាងណាក៏ដោយ ចំនុចមួយនេះវា​នឹងធ្វើឳ្យអ្នក​អាចឆ្លង​កាត់បាន​ដោយ​មិន​លំបាក​ទេ ការស្រឡាញ់ខ្លួនឯង យល់ពីតម្លៃរបស់ខ្លួន ជឿជាក់ទុកចិត្តថាខ្លួនអាចធ្វើបាន នោះអ្នកនឹង​មាន​សង្ឃឹម​ហើយ​​ដោះស្រាយបញ្ហាបានដោយសន្តិភាព។

/​ ការអធ្យាស្រ័យចំពោះខ្លួនឯង និងអ្នកដទៃ

រូបតំណាង

បញ្ហាតែងកើតមានអាចបណ្តាលមកពីអ្នកខ្លួនឯង ឬអ្នកដទៃជាអ្នកសាង ប៉ុន្តែមិនថាអ្នកណាជាអ្នកបង្កើតឡើងនោះទេ វាសុទ្ធតែអាចធ្វើឳ្យអ្នកឈឺចាប់ និងគ្មានក្ដីសុខ។ ដូច្នេះអ្នកត្រូវចេះបើកចិត្តឳ្យទូលាយ ព្រមអភ័យទោស និង​ផ្ដល់នូវក្ដី​ស្ងប់សម្រាប់ផ្លូវចិត្ត ព្រោះវាជាដើមទុនក្នុងការស្វែងរកនូវមាគ៌ាបវរសម្រាប់អ្នកខ្លួនឯងផ្ទាល់ និងអ្នកដទៃ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក មេរៀនជីវិត និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ