តើអ្នកដែលធ្លាប់សួរខ្លួនឯងថា ហេតុអ្វីបានជាជីវិតរបស់អ្នកមិនប្រសើរសោះអ៊ឹចឹង?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង ភាពមិនរីកចំរើននៃបុគ្គលម្នាក់អាចបណា្តលមកពីកត្តាជាច្រើន ក៏ប៉ុន្តែកតា្តដែលសំខាន់មួយដែលអ្នកគួរយល់ដឹងនោះ គឺកត្តាដែលបណា្តលមកពីមនុស្សនូវជុំវិញខ្លួនអ្នក ដែលរួមបញ្ជូលទាំងមិត្តភក្តិដែលអ្នកសេពគប់ និងចំណាយពេលវេលានៅជាមួយច្រើន ព្រោះអ្នកទំាងនោះមានឥទ្ធិពលខ្លាំងដល់ផ្នត់គំនិត និងការគិតរបស់អ្នក។
បើចង់អោយជីវិតឈានទៅរកភាពជោគជ័យ អ្នកគប្បីរាប់អានមនុស្ស ៣ ប្រភេទខាងក្រោមនេះអោយបានច្រើននាក់ ៖
1- មនុស្សដែលឧស្សាហ៍ព្យាយាម
មនុស្សប្រភេទនេះជាទូទៅតែងតែជម្រុញ និងផ្តល់កម្លាំងចិត្តឲ្យអ្នកខិតខំធ្វើការងារជារៀងរាល់ថ្ងៃ។ តែបើមិត្តភក្តិរបស់អ្នកសុទ្ធតែជាប្រភេទមនុស្សខ្ជិល មិនឲ្យតម្លៃលើការតស៊ូព្យាយាម ទង្វើរបស់គេនឹងធ្វើអោយអ្នកក្លាយទៅជាមនុស្សមិនចូលចិត្តធ្វើការងារ និងមិនខិតខំប្រឹងប្រែងធ្វើការងារដែលមានប្រយោជន៍ ព្រោះមានអារម្មណ៍ថាខ្ចិលដូចគេដែរ។
2-មនុស្សមានគំនិតសុទិដ្ឋិនិយម (គិតអ្វីៗក្នុងផ្លូវល្អ)
បើអ្នកមានគំនិតវិជ្ជមាន អ្នកនឹងមានកម្លាំងចិត្តរួមទាំងភាពរីករាយចំពោះការងារដែលអ្នកកំពុងធ្វើ។ ភាពវិជ្ជមានបែបនេះអាចជំរុញឲ្យអ្នកទទួលបាននូវភាពជោគជ័យ ក្នុងការធ្វើអាជីវកម្ម ការងារ ឬការសិក្សាជាដើម។បើអ្នករាប់អានជាមួយមនុស្សប្រភេទនេះច្រើន អ្នកនឹងសងេ្កតឃើញថាការគិតរបស់អ្នកនឺងមានទំនោរទៅរកភាពវិជ្ជមានជាក់ជាមិនខាន។
3- មនុស្សដែលមានក្តីសុបិន្តសម្រាប់អនាគត
មនុស្សមានគោលដៅ និងមានបំណងប្រាថា្នធំក្នុងជិវីតរបស់គេ ក៏នឹងជួយយើងអោយសំរេចបំណងប្រាថ្នារបស់យើងដែរ។ សេពគប់ជាមួយមនុស្សប្រភេទនេះ នឺងធ្វើឲ្យអ្នកមានមហិច្ចតាក្នុងជីវិត។ អ្នកនឹងចាប់ផ្តើមសួរខ្លួនឯងអំពីបំណងប្រាថា្នរបស់អ្នកដូចគេដែរ។ បន្ទាប់មកអ្នកនឹងព្យាយាមសម្រេចនូវគោលដៅជីវិតរបស់អ្នក។ បើអ្នកមានមិត្តដែលមានគោលដៅតែមួយ ឬស្រដៀងគ្នានោះ គឺកាន់តែប្រសើរ ហើយឳកាសជោគជ័យកាន់តែមានច្រើន។ ផ្ទុយមកវិញបើមិត្តរបស់អ្នកសុទ្ធតែគា្មនគោលដៅច្បាស់លាស់ និងមហិច្ចតានោះទេអ្នកនឺងអាចកា្លយទៅជាមនុស្សដែលគា្មនគោលដៅសម្រាប់ជីវិតដែរ។
សរុបមក អ្នកគួរតែជ្រើសរើសមិត្តភក្តិដែលនាំទៅកាន់ភាពជោគជ័យ និងមិត្តភក្តិណាដែលធ្វើជាគំរូសម្រាប់អ្នក ព្រោះមនុស្សនៅជុំវិញខ្លួនរបស់អ្នកមានឥទ្ធិពលយ៉ាងខ្លាំងកា្លក្នុងការជំរុញទៅកាន់ភាពជោគជ័យ និងភាពបរាជ័យ៕