នេន ទុំ ចាប់ដៃគ្នាជាមួយ ព្រហ្មម៉ាញ ចេញចម្រៀងមួយបទ ឡើងផ្អើលហ្វេនៗ (មានវីដេអូ)

ភ្នំពេញ៖ កាលពីម្សិលមិញ តារាចម្រៀង នេន ទុំ និងកំពូលតារាអាយ៉ៃឆ្លងឆ្លើយលោក ព្រហ្មម៉ាញ បានបញ្ចេញបទចម្រៀងថ្មីរួមដែលមានចំណងជើងថា «ពូក្មួយចង់បានប្រពន្ធ» ដែលទទួលបានការគាំទ្រខ្លាំងពីអ្នកប្រើប្រាស់បណ្តាញសង្គមហ្វេសប៊ុកផងដែរ។

ដោយឡែក តារាទាំងពីរដួងនេះ បានធ្វើការបង្ហើរសំនៀងយ៉ាងពីរោះមានទឹកដមនិង សម្តែងបានយ៉ាងល្អនៅក្នុងវីដេអូបទចម្រៀងនេះ ដោយរួមទាំងក្បាច់រាំវង់ប្រពៃណីខ្មែរផងដែរ ចំពោះទីតាំងគឺមានលក្ខណៈច្នៃប្រឌិត ដោយមានទេសភាពវាលស្រែខៀវខ្ចី ធ្វើឲ្យទស្សនិកកាន់តែមានអារម្មណ៍ស្រស់ស្រាយមួយកម្រិត ក្រោយពីបានទស្សនាបទនេះរួចហើយ។

ចំណែកអ្នកគាំទ្រក៏នាំគ្នាសរសើរអំពីស្នាដៃបទចម្រៀង របស់លោក​ នេន ទុំនិង លោក ព្រហ្មម៉ាញ ដែលបានបញ្ចេញបទថ្មីយ៉ាងពីរោះរណ្តំចិត្ត ដែលធ្វើឲ្យអ្នកគាំទ្រមានអារម្មណ៍សប្បាយចិត្តដូច្នេះផងដែរ៕

សូមទស្សនារូបភាពនិង វីដេអូខាងក្រោម៖