វ័យរាងជ្រេមែន តែ សុខ ពិសី សម្រស់ឡើងស្អាតដូចក្មេង​ អាយុ២០ឆ្នាំ!

ភ្នំពេញ៖ តារាចម្រៀង សុខ ពិសី ជាតារាចម្រៀង​ជើងចាស់មួយរូប ដែលមានប្រជាប្រិយភាពយ៉ាងខ្លាំងនៅក្នុងស្រទាប់បេះដូងយុវវ័យមិនថាក្នុងពេលបច្ចុប្បន្នឬ អតីតកាលនោះទេ មហាជនតែងតែចាត់ទុកតារាស្រីរូបនេះជានិមិត្តរូបម្នាក់ផងដែរ។

ជាការពិតណាស់ ទោះបីជាតារាស្រីរូបនេះបានប្រឡូកសិល្បៈអស់រយៈពេលច្រើនឆ្នាំក៏ពិតមែនក្តី ប៉ុន្តែចំពោះសម្រស់របស់កញ្ញា តាំងពីប្រឡូកសិល្បៈដំបូងរហូតដល់បច្ចុប្បន្ននេះ គឺហាក់បីដូចជាមិនមានការប្រែប្រួលអ្វីធំដុំណាស់ណាឡើយ ហាក់បីដូចជានៅតែសាច់ចាំមិនចេះចាស់បន្តិចទាល់តែសោះ។

ដោយឡែក ក្នុងពេលសព្វថ្ងៃនេះ សុខ ពិសី គឺមានវ័យក្រាស់ក្រែលទៅហើយ ប៉ុន្តែក្រឡេកមើល សម្រស់និង រូបរាងវិញ គឺពិតអាចវ៉ាដាច់ក្មេងៗត្រឹមអាយុ២០ឆ្នាំអីហើយ ដោយយើងសង្កេតទៅលើសាច់ស ភ្លឺម៉ត់រលោង គ្មានស្នាមជ្រីវជ្រួញនោះទេ ចំណែកសាច់មុខវិញក៏តឹងតែងណែន គួបផ្សំនឹង រូបរាងតូចច្រឡឺង គួរឲ្យក្នាញ់ ដែលមើលទៅគឺពិតល្អគ្មានទាស់ត្រង់ណានោះទេ។

ចំណែកអ្នកគាំទ្រវិញក្រោយពីបានឃើញរូបភាពទាំងនេះ ហើយពួកគេក៏បាននិយាយសរសើរទៅកាន់តារាស្រីរូបនេះ ដែលពូកែថែទាំសម្រស់បានយ៉ាងល្អ ដោយរក្សាភាពស្រស់ស្អាតនិង ក្មេងជាងវ័យបាននៅគង់វង្សតែម្តង៕

សូមចូលទស្សនារូបភាពខាងក្រោម៖