ស្នេហា៖ អ្នកណាក៏ធ្លាប់មានអតីតកាល អ្នកក៏ធ្លាប់ខុសតែអ្វីដែលសំខាន់គឺព្យាយាមរស់នៅជាមួយនឹងបច្ចប្បន្នកាលរបស់អ្នកថ្ងៃនេះឲ្យល្អបំផុតតាមដែលអាចធ្វើទៅបាន។ យ៉ាងណាមិញស្នេហាក៏ដូចគ្នា ការដែលយើងដាក់ចិត្តស្រលាញ់អ្នកណាម្នាក់អស់ពីចិត្តពីថ្លើមហើយសង្ឃឹមយ៉ាងមុតមាំថាអាចកាន់ដៃគ្នាជាគូជីវិត តែការពិតយើងក៏ចែកផ្លូវគ្នាវិញនៅថ្ងៃណាមួយ នោះផ្លូវចិត្តនឹងបេះដូងរបស់អ្នកប្រាកដជាឈឺចាប់ខ្ទេចខ្ទាំមិនស្ទើរនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមនុស្សខ្លះបើទោះបីជាបែកផ្លូវជាមួយនឹងដៃគូយ៉ាងណាក្ដី តែបេះដូងនឹងក្ដីស្រលាញ់ហាក់មិនប្រែប្រួលសោះ ហើយតែងតែមានកូនចិត្តមួយលួចគិតពីគេចង់ជួបគេ ចង់ជានាជាមួយគេដូចដើមវិញទាំងដែលគ្រប់យ៉ាងបានបញ្ចប់ទៅហើយក្ដី។
មានឆ្ងល់អត់ ហេតុអ្វីខ្លួនឯងល្ងង់យ៉ាងនេះ? យ៉ាងណាមិញ ខាងក្រោមនេះជាមូលហេតុ៣យ៉ាងដែលបណ្ដាលឲ្យចិត្តរបស់អ្នកមិនដាច់ស្រឡះបែបនេះ ដូច្នេះអ្នកត្រូវស្វែងយល់ ដើម្បីយកឈ្នះខ្លួនឯងឲ្យបាន៖
៣. អ្នកនៅតែចាត់ទុកគេជាគូស្នេហ៍
អ្នកនៅតែមានះ មិនព្រមទទួលការពិត ហើយគិតថាគេនៅតែមានចិត្តស្រឡាញ់អ្នកដែរ។ អ្នកព្យាយាមឱបក្រសោប រឿងអតីតកាលមិនព្រមលែង។ លទ្ធផល គឺអ្នកម្នាក់ឯងដែលគ្រាំគ្រា ដូច្នេះអ្នកត្រូវដឹងថាបើគេនៅស្រឡាញ់ គេប្រាកដជាមិនទុកអ្នកចោលបែបនេះទេ។
២. ត្រូវការពេលវេលា ក្នុងការបំភ្លេច
ដោយសារតែនៅជាមួយគ្នារយៈពេលយូរ ធ្វើឲ្យអ្នកធ្លាប់ជាមួយជីវិតដែលមានគេ ដូចជាធ្លាប់ទៅណាមកណា ញ៉ាំអាហារ ឬចែករំលែកបញ្ហាជាមួយគ្នាជាដើម។ អនុស្សាវរីយ៍កាន់តែច្រើន អ្នកកាន់តែត្រូវការពេលវេលាយូរក្នុងការបំភ្លេច។ ប៉ុន្តែអ្នកត្រូវចាំថា គ្មានអ្វីទៀងទាត់ទេលើលោកនេះ ជួបបែកគឺជារឿងធម្មតារបស់មនុស្សគ្រប់រូប។
១. វត្តមានរបស់គេ
អ្នកមិនត្រូវការអ្វីទាំងអស់ ក្រៅពីចង់បានគេម្នាក់នោះមកនៅក្បែរខ្លួន។ អ្នកឲ្យតម្លៃសំខាន់របស់គេ លើសខ្លួនឯង រហូតពិបាកនឹងរស់នៅបន្តពេលដែលគ្មានវត្តមានគេ។ ដូច្នេះអ្នកត្រូវកំណត់គោលដៅជីវិតខ្លួនឯងជាថ្មី ដែលគ្មានរូបគេ បែបនេះទើបជីវិតអ្នកអាចរកឃើញពន្លឺម្ដងទៀត។
ព្យាមយាមធ្វើខ្លួនឲ្យរវល់ជាមួយនឹងការងារ ការសិក្សា មិនយូរមិនឆាប់ទេអ្នកគង់តែភ្លេចគេបាន ព្យាយាមគិតអ្វីដែលល្អៗសម្រាប់ខ្លួនឯង ព្រោះថ្ងៃខាងមុខមានតែអ្នកខ្លួនឯងទេដែលត្រូវរស់នៅជាមួយនឹងខ្លួនរបស់អ្នក៕
Bong I.T