Rain ក្លាយជាផលិតករ និងបង្កើតក្រុមតារាចម្រៀងថ្មី Ciipher

មានកត្តាជាច្រើន ដែលពាក់ព័ន្ធនឹងដំណើរការបង្កើតក្រុម Ciipher ថ្មីនេះឡើង ប៉ុន្តែនៅពេលដែលខ្ញុំជួបពួកគេទាំងនោះ អារម្មណ៍ខ្ញុំប្រាប់ថា ខ្ញុំអាចពឹងពាក់លើពួកគេបាន មិនគ្រាន់តែពេលវេលារបស់ខ្ញុំ ឬ ជំនាញរបស់ខ្ញុំនោះទេ ប៉ុន្តែសម្រាប់អ្វីដែលខ្ញុំ បានកសាងមក។ មិនថាក្រុមតារាចម្រៀងថ្មីនេះ ទទួលបានលទ្ធផលល្អឬ អាក្រក់នោះទេ ខ្ញុំគិតថា ខ្ញុំពិតជាមិនសោកស្តាយ ដែលខ្ញុំបង្កើតក្រុមនេះឡើងឡើយ ពីព្រោះថាពួកគេមានសមត្ថភាពទេពកោសល្យល្អ និង របៀបរៀបរយ។

ជារៀងរាល់ថ្ងៃ គឺពិតជាថ្ងៃដែលគួរឱ្យរំភើប ហាក់បីដូចខ្ញុំកំពុងជិះស្គីនៅលើព្រិលទឹកកកអញ្ចឹង។ ខ្ញុំមានទាំងក្តីបារម្ភ និង ការទន្ទឹងមើលចំពោះការចំណាប់អារម្មណ៍របស់មហាជន។ តែយ៉ាងណា Ciipher ត្រូវតែខិតខំធ្វើឱ្យបានល្អដោយខ្លួនឯង ហើយខ្ញុំក៏ដូចគ្នា នោះទើបយើងអាចជួយគ្នាដោយសហការជាមួយបុគ្គលិកផ្សេងៗឱ្យបានល្បីល្បាញ និង ទទួលបានប្រជាប្រិយពីមហាជន។ ខ្ញុំពិតជាចង់ជួយក្រុមថ្មីនេះឱ្យបានជោគជ័យ និង អាចជួយធ្វើឱ្យពួកគេម្នាក់ៗអាចឈរដោយខ្លួនឯងផងដែរ។

Rain គឺជាមនុស្សដែលបង្ហាញពីភាពស្មោះត្រង់គ្រប់រឿងដែលគាត់ធ្វើ។ គាត់ពិតជាមើលថែយើងបានល្អណាស់ គាត់ក៏បានថតការសម្តែង និង មើលវីដេអូហាត់សមរបស់យើងដោយខ្លួនគាត់ផ្ទាល់តែម្តង ដើម្បីឱ្យទទួលបានភាពលម្អិតម៉ត់ចត់។ ក្នុងនាមជានាយក និង ផលិតករ គាត់មានលក្ខណៈតឹងតែងបន្តិច គាត់មានភ្នែកមុតស្រួច និង ត្រចៀកវៃ ដែលអាចដឹងពីការខ្វះរបស់យើង។ ប៉ុន្តែនៅពេលដែលហាត់សមចប់ គាត់ប្រែក្លាយជាមនុស្សដែលរាក់ទាក់ គាត់តែងតែជំរុញលើកទឹកចិត្ត និង ប្រាប់ឱ្យពួកយើងប្រឹងប្រែងឱ្យកាន់តែខ្លាំងរឹងមាំជាងមុនទៀត៕