ថ្ងៃចូលឆ្នាំចិន ប៉ាច គីមមួយ Cover បទចម្រៀងជាភាសាចិនយ៉ាងស្ទាត់ជំនាញ (មានវីដេអូ)

ភ្នំពេញ៖ តារាចម្រៀងប្រចាំផលិតកម្ម We Production កញ្ញា ប៉ាច គីមមួយ ជាតារាចម្រៀងដែលកើតចេញពីកម្មវិធីប្រឡងចម្រៀងលំដាប់ថ្នាក់ពិភពលោក The Voice Cambodia រដូវកាលទី១ ខណៈដែលកញ្ញាគឺជាកូនក្រុមរបស់លោក ឆន សុវណ្ណារាជ ប៉ុន្តែកញ្ញាមិនបានឆ្លងដល់វគ្គផ្តាច់ព្រ័ត្រដើម្បីដណ្តើមពានរង្វាន់នោះទេ។

ត្បិតអីមិនទទួលបាននូវជ័យលាភីក៏ពិតមែន ប៉ុន្តែម្ចាស់បទ “ស្រលាញ់គ្នាយូរបានទេ” រូបនេះក៏ត្រូវបានផលិតកម្មហង្សមាស ផ្តល់ឱកាលឱ្យក្លាយជាតារាចម្រៀងកុងត្រាក្នុងផលិតកម្មដែលជាបុត្រសម្ព័ន្ធ គឺផលិតកម្ម We Production ផ្ទាល់តែម្តង។

មិនត្រឹមតែប៉ុណ្ណោះ កញ្ញា ប៉ាច គីមមួយ ក៏ត្រូវបានផលិតកម្មលើកស្ទួយឱ្យចូលរួមសម្តែងជាតួអង្គសំខាន់មួយរូបក្នុងរឿងភាគថ្មីកំពុងចាក់បញ្ចាំងលើទូរទស្សន៍ដែលមានចំណងជើងថា “ខ្ញុំមានញាណលើស” ថែមទៀតផង។

យ៉ាងណាមិញដើម្បីអបអរពិធីបុណ្យចូលឆ្នាំចិននេះកញ្ញា ប៉ាច គីមមួយ បាន Cover នូវបទចម្រៀងជាភាសាចិនមួយបទយ៉ាងស្ទាត់ជំនាញ ដែលមិននឹកស្មានថាតារាចម្រៀងស្រីរាងតូចច្រឡឹងរូបនេះចេះភាសាចិនពីមុនមកនោះទេ៕

សូមទស្សនារូបភាព និងស្តាប់កម្សាន្តខាងក្រោមនេះ៖