​​មន្ទីរពេទ្យ​​​​​​ទាំងអស់​​​​​​លែង​​​​​​ទទួល​​អ្នកសារព័ត៌ម្នាក់ ក្រោយ​​បង្ហោះ​​តាម​​បណ្ដាញ​​សង្គមថា កូវីដ១៩ គឺជារឿងបោកប្រាស់

អង់គ្លេស៖ ស្ត្រីម្នាក់ត្រូវបានពិន័យពីបទថតនៅតាមច្រករបៀងនៅតាមមន្ទីរពេទ្យ ដើម្បីបង្ហាញថា Covid-19 គឺជា​រឿងបោកបញ្ឆោត។ ហើយឥឡូវស្ត្រីរូបនេះ ត្រូវគេហាមឃាត់មិនឱ្យទៅមន្ទីរពេទ្យ។

តាមការចុះផ្សាយបានអោយដឹងថា ស្រ្ដីម្នាក់នេះ ឈ្មោះ Hannah Dean ត្រូវបានគេស្គាល់ថាជា​អ្នកសារព័ត៌មាន​ម្នាក់។ នាងបានបង្ហោះរូបភាពមន្ទីរពេទ្យជាច្រើនរួមទាំង Southampton នៅលើហ្វេសប៊ុកដោយលើក​សរសេរ​ថា​“មន្ទីរពេទ្យជាកន្លែងស្ងាត់បំផុតដែលខ្ញុំមិនធ្លាប់បានឃើញ! ខ្ញុំបានដើរពាសពេញមន្ទីរពេទ្យរួមទាំង A&E។ ហើយកូវីដ១៩​វា​ជា​រឿងមិនពិត”។ នាងលើកឡើងបែបនេះ ខណៈដែលកូវីត-១៩ កំពុងមានការរាតត្បាត។

លោកស្រី Dean ដែលមកពី Fareham ត្រូវបានប៉ូលីសព្រមានកាលពីថ្ងៃអាទិត្យថា​៖  មិនត្រូវទៅមន្ទីរពេទ្យ​ណាមួយ​ឡើយ ដរាបណានាងមិនបានណាត់ជួបជាមុន ឬមានអាសន្នផ្នែកវេជ្ជសាស្ត្រ។

ខាងមន្ទីរពេទ្យទីក្រុងនេះ បានសង្កត់ធ្ងន់ថា រូបភាពនៃច្រករបៀងទទេមិនមានន័យថា គ្មានអ្នកជំងឺ និងការយកចិត្តទុក​ដាក់ថែទាំនោះទេ។

នាងក៏ត្រូវបានគេប្រាប់ឲ្យយកចិត្តទុកដាក់លើការរឹតបន្តឹងអំពី Covid-19 ផងដែរ៕