តារា​ៗ​​​ជា​ច្រើន​ បើក​​​​ហាង​​​លក់​​​​គ្រឿង​​​តុប​​​តែង​​​ខ្លួន ​​ចំណែកតារា​ម្នាក់​នេះ ចាប់អារម្មណ៍​​របរ​លក់ម្ជូរ

ភ្នំពេញ៖ អាចនិយាយថា អ្នកនាង គឺម លីហ្សា ជាតារាសម្តែងស្រីដ៏មានប្រជាប្រិយភាពខ្លាំង និងមានភាពល្បីល្បាញ​គួរសម ដែលមហាជន និងទស្សនិកជនជាច្រើនបានស្គាល់នាង​សឹងតែគ្រប់គ្នានៅកម្ពុជា។

ជាការពិតណាស់ គឹម លីហ្សា មិនត្រឹមតែមានសមត្ថភាព និងទេពកោសល្យសម្តែងទេ គួបផ្សំជាមួយនឹងរូបសម្ជស្ស​ស្រស់​​ស្អាត​ពីធម្មជាតិពិតៗ បើទោះជាពេលនេះនាងមានបុត្រ ២ នាក់ហើយក៏ពិតមែន។

យ៉ាងណាមិញបន្ទាប់់ពី គឹម លីហ្សា បានរៀបការរួច នាងហាក់ឃ្លាតឆ្ងាយពីវិថីសិល្បៈទៅរស់នៅក្នុងប្រទេសអូស្ត្រាលី​ជាមួយ​ស្វាមីអស់រយៈពេលជាយូរឆ្នាំ ប៉ុន្តែពេលនេះតារាសម្តែងស្រីរាងតូចច្រឡឹង គឹម លីហ្សា ក៏បានសម្រេចចិត្តវិល​ត្រឡប់​មក​លើទឹកដីកំណើតវិញ ថែមទាំងបានបង្កើតមុខរបរលក់ម្ជូរ ដែលជារបរថ្មី។ ក្រៅពីនោះ អ្នកម្តាយកូន ២រូបនេះ ទទួលបានការគាំទ្រយ៉ាងច្រើនលើសលប់ពីសំណាក់មហាជនមិត្តអ្នកគាំទ្រ បងប្អូនសិល្បករសិល្បការិនី និង​មិត្តភក្តិ​របស់អ្នកនាង​តែម្តង។

ជាក់ស្តែង ជារឿយៗតែងតែឃើញអ្នកនាង គឹម លីហ្សា ធ្វើការ Live វីដេអូតាមប្រព័ន្ធ Facebook ជាមួយនឹងការលក់​ផ្លែឈើ និងម្ជូរស្រស់ៗ ដោយគ្រាន់តែមើលសោះក៏ស្រក់​ទឹកមាត់មិនស្ទើរដែរ។ អ្នកនាងដាក់ឈ្មោះហាង​លក់ម្ជូររបស់​នាង​ថា «គឹម លីហ្សា & ណាលីន»៕

ចង់ជ្រាបច្បាស់ សូមទស្សនារូបភាពខាងក្រោមនេះ៖​