រាជធានីភ្នំពេញ ៖ អ្នកតាមដានសកម្មភាពបទចម្រៀង និងតារាសិល្បៈមួយចំនួនដែលប្រមាញ់ទៅលើកញ្ញាមាស សុខសោភា បាននិងកំពុងភ្ញាក់ផ្អើលព័ត៌មានល្ហេចល្ហៀងឮពាក្យចចាមអារ៉ាមថា កញ្ញាមាស សុខសោភា មានគម្រោងចាកចេញពីផលិតកម្មថោន ហើយថា តារាចម្រៀងដែលធ្លាប់តែមានប្រជាប្រិយភាពជាងគេ នៅក្នុងផលិតកម្មថោន ពេលនេះ ហេតុអ្វីបានជាមិនសូវមានបទចម្រៀងថ្មីៗចេញលក់នៅលើទីផ្សារ ?
សូម្បីតែបទចម្រៀងដែលជាបទរបស់ខ្លួនឯងបែរជាមានតារាផ្សេងមកសម្តែងជំនួសទៅវិញ ដោយកាលពីមុនបទដំបូងៗនៅក្នុងផលិតកម្មថោនគ្រប់បទ សុទ្ធសឹងតែមានកញ្ញាមាស សុខសោភា ជាអ្នកសម្តែងទាំងអស់ជាពិសេសជាមួយលោកករុណា ពេជ្រ ។ ទន្ទឹមនឹងនេះស្រាប់តែមានព័ត៌មានពីមជ្ឈដ្ឋានមួយចំនួនបាននិយាយថា កាលដែលនាងមិនមានចេញបទចម្រៀងថ្មីៗ ហើយពេញនិយមសម្រាប់យុវវ័យដែលធ្វើឱ្យប្លែកអារម្មណ៍ដូចកាលពីមុននោះ ដោយសារតែនាងចាកចេញពីផលិតកម្មថោន ហើយអ្វីដែលគួរឱ្យចាប់អារម្មណ៍ជាងនោះ គឺថាប៉ុន្មានសប្តាហ៍មកនេះនៅពេលដែលកញ្ញាមាស សុខសោភា ឡើងច្រៀងនៅលើឆាកប្រគំតន្ត្រី មានតែបទថ្មីមួយបទប៉ុណ្ណោះគឺបទ១០០ពិន្ទុ ។
នេះជាព័ត៌មានមួយ ដែលធ្វើឱ្យអ្នកគាំទ្រកញ្ញាមាស សុខសោភា មានការងឿងឆ្ងល់ថា តើនាងចាកចេញពីផលិតកម្មថោន ដោយសារមូលហេតុអ្វី ហើយចុះតើនាងចាកចេញពីផលិតកម្មថោនទៅនៅផលិតកម្មណាទៀត បើផលិតកម្មធំៗ នៅក្នុងស្រុកនាងចេញចូលសឹងតែគ្រប់ផលិតកម្មទៅហើយនោះ ឬមួយក៏ផលិតកម្មរស្មីហង្សមាស? ព្រោះពេលនេះរស្មីហង្សមាសកំពុងតែប្រមូលផ្តុំតារាចម្រៀងល្បីៗជាច្រើននាក់ដូចជាកញ្ញាទេព បូព្រឹក លោកនៅ ស៊ីនឿន លោកសូណូ និងអ្នកនាងយក់ ឋិតរដ្ឋា ជាដើម ។
ទាក់ទិននឹងបញ្ហានេះ លោកមាស សុខរតនៈ ជាបងប្រុសរបស់កញ្ញាមាស សុខសោភា បានប្រាប់កោះសន្តិភាពយ៉ាងខ្លីតាមទូរស័ព្ទថា កញ្ញាមាស សុខសោភា មិនបានចាកចេញពីផលិតកម្មថោននោះទេ ហើយពេលនេះកំពុងតែត្រៀមចេញបទវ៉ុលថ្មីៗផងដែរ ។ ដូច្នេះចំពោះព័ត៌មាននេះវាមិនមែនជាការពិតនោះវាគ្រាន់តែជាពាក្យចចាមអារ៉ាមតែប៉ុណ្ណោះ ។
ក្រុមអ្នកគាំទ្រកញ្ញាមាស សុខសោភា និងតែងតែតាមប្រមាញ់សកម្មភាពរបស់នាងជាប់នោះបានធ្លោយប្រាប់ថា ការផ្តល់ព័ត៌មានរបស់បងប្រុសកញ្ញាមាស សុខសោភា គ្រាន់តែឡប់ឡែបិទបាំងដំណើរចាកចេញរបស់តារាចម្រៀងសំឡេងផ្អែមក្រអួនមួយនេះប៉ុណ្ណោះ ដែលធាតុពិតគឺនាងបានសម្រេចចិត្តរួចហើយ ហើយកំពុងស្ថិតនៅក្រៅផលិតកម្មថោនជាបណ្តើរៗទៀតផង...ទោះជាយ៉ាងណាក៏ដោយដំណើរការចាកចេញពិតប្រាកដរបស់កញ្ញាមាស សុខសោភា ឬយ៉ាងណានោះនឹងបង្ហាញច្បាស់នៅពេលបន្តិចទៀតនេះ ។
សំរាប់ Khmerload វិញ Khmerload ចូលចិត្តបទ សូមពេលឈឺចាប់មួយគ្រា។ សូមមើលវិដេអូនៅខាងក្រោម
តើអ្នកចូលចិត្តបទអ្វីរបស់មាស សុខសុភាជាងគេ?
ដកស្រង់ពីកោះសន្តិភាព
សូមបងប្អូនជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។សូមអរគុណ ខ្មែរស្រលាញ់ខ្មែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
