ខេត្តកំពង់ឆ្នាំង ៖ រថយន្តដឹកឥដ្ឋមួយគ្រឿងបានក្រឡាប់ចូលស្នាមភ្លោះ កាលពីវេលាម៉ោង១១និង៣០នាទីព្រឹកថ្ងៃទី៨ មេសា នៅតាមបណ្តោយផ្លូវជាតិលេខ៥ ត្រង់ចំណុចភូមិព្រៃពួច ឃុំជ្រៃបាក់ ស្រុករលាប្អៀរ បណ្តាលឱ្យអ្នកជិះក្នុងរថយន្តចំនួន៣នាក់រងរបួសស្រាល ។
តាមប្រភពពីប្រជាពលរដ្ឋនៅកន្លែងកើត ហេតុបាននិយាយឱ្យដឹងថា មុនពេលកើតហេតុគេឃើញរថយន្តកូរ៉េចំណុះ២តោន ពណ៌ខៀវ ដឹកឥដ្ឋពេញ បើកបរពីត្បូងមកជើង លុះមកដល់ចំណុចកើតហេតុរថយន្តបានផ្ទុះកង់មុខខាង ឆ្វេងហើយបានរេចង្កូតទៅខាងឆ្វេងដៃធ្លាក់ចូលស្នាមភ្លោះ ក្រឡាប់តែម្តង។ ក្រោយពេលក្រឡាប់គេឃើញកាឡេរថយន្តបានបាក់ដាច់ជាពីរ ផងដែរ ។
មន្ត្រីប៉ូលិសបាននិយាយថា ម្ចាស់រថយន្តនិងជាអ្នកបើកបរឈ្មោះទ្រី ជនជាតិវៀតណាម រស់នៅផ្សារក្រោម ។ ទាំងអ្នកបើកបរទាំងអ្នករួមដំណើរជាកម្មកររងរបួសស្រាល ។ ប៉ូលិសថា គ្រោះថ្នាក់នេះកើតឡើងដោយសារម្ចាស់រថយន្តធ្វេសប្រហែសព្រោះកង់ មុខរថយន្តទាំងពីរសឹកក្រឡាអស់ហើយនៅតែប្រើទៀត៕
ស្រីណា កោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
