យល់ដឹង៖ មនុស្សពីរនាក់ អាចបានជួបគ្នាគឺ សុទ្ធតែជានិស្ស័យ តែពេលខ្លះ និស្ស័យបាន ដឹកដៃឲ្យជួប ក្លាយជាគូសង្សារ នឹងគ្នាទៅហើយ តែបែរជាគ្មានវាសនា បានរួមរស់នឹងគ្នា ជាគូរអនាគត ទៅវិញ។ ពោលគឺបានត្រឹមតែ ស្គាល់មើលចិត្តថ្លើមគ្នា តាមបែបសង្សារ តែពេលរៀបការបែរជា ជាមួយអ្នកផ្សេង ទៅវិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជឿជាក់ថា មួយជីវិតមនុស្សស្រី គ្មានអ្វីដែលសំខាន់ ជាងរឿងរៀបការ ទៀតនោះទេ។ ហេតុនេះហើយ ទើបបានជា មនុស្សស្រីគ្រប់រូប តែងសង្ឈឹមថា ខ្លួនឯងអាចនឹង ជ្រើសរើសបាន មនុស្សប្រុសល្អម្នាក់ យកមកធ្វើជា គូអនាគត តែពេលខ្លះអ្វី ដែលយើងគិត ឬអ្វីយើងចង់បានទាំងនោះ វាមិនសុទ្ធតែបាន សម្រេចតាមចិត្តដែល យើងប៉ងប្រាថ្នា ទាំងអស់នោះទេ។
ព្រោះថា អ្នកខ្លះពេលដែល កំពុងទាក់ទងគ្នា ជាសង្សារខាងប្រុស បង្ហាញចរិតឡើង ត្រឹមត្រូវ ខ្វល់ខ្វាយ ព្រួយបារម្ភ ស្មោះត្រង់ ឡើងដូច សំពត់ក្នុងផ្នត់។ តែដល់ទៅពេល រៀបការបានគ្នា ជាប្តីប្រពន្ធមួយរយៈមក ក៏ស្រាប់តែលេចចេញ ចរិតពិត ផ្តើមចេះដើរលេង ជួបជុំមិត្តភក្តិ ផឹកស៊ីស្ទើរាល់ថ្ងៃ សំខាន់ចេះលួចលាក់ មានស្រីខាងក្រៅទៀត។
ផ្ទុយគ្នាពី មនុស្សប្រុសខ្លះទៀត ពេលដែលទាក់ទងគ្នា ជាសង្សារដើរលេង ខូចខិលច្រើន តែដល់ទៅ ពេលដែល រៀបការមាន ប្រពន្ធកូនហើយ ក៏ស្រាប់តែចេះ កែប្រែខ្លួន មកជាប្តីល្អវិញ។ តើរវាងប្តីខិល និងប្តីក្បត់មាន លក្ខណៈសម្បត្តិ ខុសគ្នាបែបណាខ្លះ?
១. ប្តីខិល
មនុស្សប្រុសខិល អាចជា មនុស្សប្រុសដែល មានមាត់រហ័ស ដៃរហ័ស មិនសូវជា ចេះលាក់ចរិត របស់ខ្លួននោះទេ ហើយក៏ជាប្តីដែល ពូកែលួងលោម ប្រពន្ធនិងស្រីៗ ដទៃខ្លាំងណាស់ដែរ។ ជាហេតុងាយនឹង ធ្វើឲ្យស្រីៗមាន ចិត្តឆាប់ទន់ បាក់ស្រលាញ់ ព្រោះតែពាក្យសម្តី កាយវិការ និងក្រសែភ្នែក របស់បុរសខិលទាំងនោះ ខ្លាំងណាស់។
២. ប្តីខូចផិតក្បត់
មនុស្សប្រុស ដែលក្បត់ចិត្តប្រពន្ធ ទាំងអស់មិនមែន សុទ្ធតែជា មនុស្សខិលនោះទេ។ អ្នកខ្លះចរិតរាប់សារ មុខមាត់សុភាព តែរឿងក្បត់ប្រពន្ធ ពូកែលេងមួយ។ មនុស្សពូកែ លាក់ពុត ពូកែសម្តែង ខាងមុខប្រពន្ធ សម្តែងធ្វើដូចជា ស្រលាញ់ខ្លាំងណាស់ តែធាតុពិត ខាងក្រោយខ្នង លាក់ស្រីរាប់ភ្លេច។
ជារួមសម្រាប់ មនុស្សស្រីដែលមាន ប្តីប្រភេទទាំងពីរនេះ គឺពិតជាមិនសូវ បានស្រួលចិត្ត ប៉ុន្មាននោះទេ។ គ្រាន់តែថា មនុស្សប្រុសខិល មួយចំនួន មានចរិតខិល ពូកែប្រើសម្តី ប្រើពាក្យលែបខាយ ស្រីៗពិតមែន តែគេមិនចេះ លួចក្បត់ប្រពន្ធកូនទេ។ តែបើប្តី សន្តានក្បត់វិញ គឺពិតជា ពិបាកកែ ខ្លាំងណាស់ ប្រពន្ធដឹងតែ ដេកទឹកភ្នែក រាល់ថ្ងៃហើយ៕