ភ្នំពេញ៖ កាលពីខែកញ្ញា ឆ្នាំ២០២០ រំលងទៅថ្មីៗ តារាចម្រៀងប្រុសសម្លេងផ្អែមប្រចាំផលិតកម្មរស្មីហង្សមាស លោក ឆន សុវណ្ណរាជ បានបង្ហោះរូបជាច្រើនសន្លឹកជាមួយនឹងនារីដ៏ស្រស់ស្អាតម្នាក់ ដែលគេគ្រប់គ្នាដាក់ការសង្ស័យថាគឺជាគូស្នេហ៍របស់លោក ឆន សុវណ្ណរាជ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតួយ៉ាងរាល់ពេល ឆន សុវណ្ណរាជ និងក្រុមគ្រួសារមានកម្មវិធីម្តងៗគឺតែងតែឃើញមុខនារីរូបនោះមិនដែលខាននិងតែងតែបង្ហោះរូបស្វីតៗ និងផ្អែមល្ហែមពីរនាក់ជាមួយលោក ឆន សុវណ្ណរាជ ញឹកញាប់ថែមទៀតផង។ ជាក់ស្តែងកាលពីថ្ងៃទី១០ ខែតុលា ឆ្នាំ២០២០ ជាថ្ងៃកំណើតរបស់លោក ឆន សុវណ្ណរាជ ក៏មានវត្តមាននាងអញ្ជើញទៅចូលរួមផងដែរ ទើបធ្វើឲ្យមហាជនជាច្រើនសង្ស័យថាពួកគេគឺជាគូស្នេហ៍នឹងគ្នា ប៉ុន្តែមកទល់នឹងពេលនេះតារាចម្រៀងល្បីឈ្មោះរូបនេះនៅមិនទាន់បានប្រាប់ ឬបង្ហើបថាតើនារីវ័យក្មេងរូបនោះជាអ្នកណាឡើយ។
យ៉ាងណាមិញ កាលពីប៉ុន្មានម៉ោងនេះស្រាប់តែលោក
ឆន សុវណ្ណរាជ បានបង្ហោះ Story មួយនៅក្នុងគណនី Instagram ផ្ទាល់របស់ខ្លួនជាមួយនឹងកាយវិការយ៉ាងស្និទ្ធស្នាល ពិសេសថែមទាំងថើបថ្ពាល់នារីរូបនោះយ៉ាងស្វីតតែម្តង៕
ចង់ជ្រាបច្បាស់ សូមទស្សនារូបភាពខាងក្រោមនេះ ៖