ភ្នំពេញ៖ កញ្ញា យូរី ដែលមានឈ្មោះពេញថា សេន យូរី ទើបនឹងសម្រេចចិត្តមករួមរស់ជាមួយផលិតកម្មហង្សមាស ខណៈដែលកញ្ញាបានរួមរស់ជាមួយផលិតកម្មសាន់ដេ អស់រយៈពេលជាច្រើនឆ្នាំមកហើយ ដែលធ្វើឱ្យកេរ្តិ៍ឈ្មោះរបស់កញ្ញាឡើងកូដខ្លាំងទាំងបទចម្រៀងញាក់ និងបទចម្រៀងមនោសញ្ចេតនា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ក្រោយពេលមកដល់ផលិតកម្មហង្សមាស ប្រមាណជាជាងត្រឹមរយៈពេល ១ខែ តារាចម្រៀងរូបនេះទទួលបាននូវបទបែបញាក់កន្ត្រាក់អារម្មណ៍រហូតដល់ទៅ ៣បទ ដែលជាតួរលេខដ៏ច្រើនសម្រាប់តារាចម្រៀងថ្មីក្នុងផលិតកម្មដែលសម្បូរទៅដោយតារាចម្រៀងមួយនេះ។
ក្នុងនោះផងដែរបទចម្រៀងទាំង ៣បទ មានចំណើងជើងថា “ផាំងៗ” “រាំ Style ក្មេង” និង “I LOVE Football” ដែលបទទាំងបីនេះទទួលបានការគាំទ្រ និងការរិះគន់សឹងតែស្មើដៃគ្នាតែម្តង។
ជារួមបទចម្រៀងដំបូង កញ្ញាហាក់ទទួលបានការគាំទ្រដោយសារក្បាច់រាំរស់រវើកគួរឱ្យកត់សម្គាល់ ចំណែកបទបន្ទាប់ “រាំ Style ក្មេង” ស្រាប់តែផ្ទុះការរិះគន់យ៉ាងធ្ងន់ធ្ងរ ខណៈដែលក្នុងអត្ថន័យនៃបទនេះមានតែប៉ុន្មានប្រយោគដដែលៗ និងគ្មានខ្លឹមសារអប់រំនោះទេ។ រីឯបទចម្រៀងចុងក្រោយនេះវិញមានភាពត្រដំត្រសងគ្នាជាមួយនឹងបទទាំងពីរនោះដែរ ហាក់មិនផ្ទុះខ្លាំងនោះទេ៕
សូមទស្សនារូបភាព និងវីដេអូខាងក្រោមនេះ៖