កូរ៉េខាងត្បូង៖ នៅថ្ងៃទី ២៩ ខែវិច្ឆិកា គេហទំព័រក្នុងស្រុក បានបង្ហាញពីប្រាក់ចំណូលរបស់ BLANC & ECLARE ដែលជាយីហោប្រ៊េនរបស់ តារាចម្រៀងទោល Jessica Jung ដែលកំពុងក្លាយព័ត៌មានក្តៅគគុក នៅលើគេហទំព័រ Dispatch។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមអត្ថបទនេះ គេបានរាយកាណ៍មកថា ក្នុងឆ្នាំ ២០១៩ ប្រាក់ចំណូលរបស់យីហោម៉ូតមួយនេះ រកបានប្រាក់ចំណូលរហូតទៅដល់ ២០ ពាន់លានវ៉ុន (ប្រហែល១៨ លានដុល្លារ)។
ជាមួយចំនួនដ៏ច្រើននេះបានធ្វើឱ្យ មនុស្សជាច្រើនមានការភ្ញាក់ផ្អើលជាខ្លាំង មិននឹកស្មានថា យីហោប្រ៊េន របស់សមាជិកអតីតសមាជិកក្រុម SNSD រូបនេះ រកប្រាក់បានច្រើនយ៉ាងសន្ធឹកសន្ធាប់បែបនេះសោះ។
គួរបញ្ជាក់ផងដែរថា BLANC & ECLARE ត្រូវបានបង្កើតឡើងដំបូង នៅក្នុងខែសីហាឆ្នាំ ២០១៤ ក្នុងការលក់វ៉ែនតា រហូតមកដល់ពេលនេះJessica បានពង្រីកអាជីវកម្មរបស់នាង បានដាក់លក់ផលិតផលផ្សេងៗ ទៀតជាច្រើន។
ទន្ទឹមនឹងនេះ ជាមួយប្រ៊េនមួយនេះ ក៏ទទួលបានការគាំទ្រ ពីសំណាក់តារាល្បីៗផងដែរ ដោយជានិច្ចកាល ម៉ាកនេះត្រូវបានតារាកូរ៉េមួយចំនួន យកមកស្លៀក មានដូចជា Jennie ក្រុម BLACKPINK សមាជិកក្រុម TWICE សមាជិកក្រុម Red Velvet សមាជិកក្រុម AOA និង EXID ជាដើម៕
សូមទស្សនារូបភាពខាងក្រោម៖