កូរ៉េខាងត្បូង ៖ កាលពីពេលថ្មីនេះ តារាប្រុសលោក Lai Kuan Lin អតីតសមាជិកក្រុម Wanna One បានក្លាយជាប្រធានបទដ៏ក្ដៅគគុក លើបណ្ដាញសង្គមអ៉ីនធើណែត ព្រោះតែតារាប្រុសរូបនេះ បានជក់បារី ព្រមទាំងមានខាកស្ដោះនៅលើផ្លូវសាធារណៈ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ជាក់ស្ដែងបន្ទាប់ពីរូបភាពរបស់លោក ត្រូវបានផ្សព្វផ្សាយជាហូរហែ ព្រមទាំងផ្ទុះការមិនពេញចិត្តជាច្រើនពីហ្វេនៗ នៅថ្ងៃទី ២៤ ខែវិច្ឆិកា ប៉ុន្មានម៉ោងមុននេះ តារាប្រុស Lai Kuan Lin បានចូលទៅសរសរសារ បង្ហោះនៅលើគណនី Weibo ផ្ទាល់ខ្លួន។ ស្របនឹងនេះដែរ តារាប្រុសរូបនេះ ក៏បានបញ្ជាក់នៅក្នុងសារនោះថា លោកពិតជាសុំទោសដល់មហាជន និងហ្វេនៗរបស់លោក ដែលលោកបានធ្វើបែបនេះ នៅទីសារធារណៈ ថ្ងៃក្រោយលោកនឹងមិនធ្វើបែបនេះទៀតទេ។
ខ្ញុំពិតជាសុំទោស។ ក្នុងនាមខ្ញុំជាមនុស្សដែលមហាជនទទួលស្គាល់ ខ្ញុំបែរជាមិនប្រយ័ត្ននឹងសកម្មភាពបែបនេះ។ ខ្ញុំរីករាយនឹងទទួលយក រាល់ការរិះគន់ទាំងអស់របស់គ្រប់គ្នា ដូច្នេះហើយខ្ញុំសន្យាថា នឹងមិនធ្វើទង្វើបែបនេះម្តងទៀតឡើយ។
តើប្រិយមិត្តយល់យ៉ាងណាចំពោះរឿងនេះ?
Bong I.T