កូរ៉េខាងត្បូង ៖ បណ្តាប្រិយមិត្តពិតជាបានស្គាល់ហើយ ពីសមត្ថភាពរបស់ Lisa សមាជិកក្រុម BLACKPINK ក្នុងអាជីពជាតារា លើឧស្សាហកម្មតន្រ្តី Kpop មួយនេះ។ សូមបញ្ជាក់ផងដែរថា ក្រៅពីតារាស្រីរូបនេះ មានទេពកោសល្យខាងច្រៀង រាំ និងសម្ដែងហើយនោះ ស្ដាយ៏លេងម៉ូតសក់ទាំងពីរបែបនេះរបស់នាង ក៏ទទួលបានការចាប់អារម្មណ៍ខ្លាំងពីហ្វេនៗដូចគ្នា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ តារាស្រីរូបនេះបច្ចុប្បន្នកំពុងតែ ទទួលបានប្រជាប្រិយភាពគួរឲ្យកត់សម្គាល់ ជាមួយនឹងម៉ូតសក់កាត់ខ្លីរបស់នាង។ ជាមួយគ្នានេះដែរ ហ្វេនៗនាំគ្នាសរសើរមិនដាច់ពីមាត់ថា Lisa កាត់សក់បែបនេះ ពិតជាសាកសមជាមួយទម្រង់មុខរបស់នាងណាស់ ព្រោះមើលយូរៗទៅ នាងកាន់តែស៊ិចស៊ី និងគួរឲ្យស្រលាញ់យ៉ាងចម្លែក។
ដោយឡែកបើក្រឡេកមកមើល ស្ដាយ៏ម៉ូតសក់វែងរបស់ Lisa វិញ ឃើញថាសម្រស់របស់នាង ក៏នៅតែលេចធ្លោមិនអន់ឡើយ។ ក្នុងនោះផងដែរ ចំពោះស្ទីលទម្លាក់សក់ បង្ហាញពីសរសៃសក់ដ៏វែងទន់រលោងរបស់នាង ទោះបីជាមើលនាងមានលក្ខណៈបែបសុភាពនារី ដែលរៀបរយ តែភាពស្រស់ស្អាត ដ៏មានមន្ដស្នេហ៍របស់តារាស្រីរូបនេះ នៅតែអាចឆក់យកបេះដូងអ្នកគាំទ្របានយ៉ាងងាយស្រួល៕
តោះចង់ដឹងថា សម្រស់របស់ Lisa ពេលទុកសក់វែង និងកាត់សក់ខ្លីទាក់ទាញយ៉ាងណានោះ?
សូមទស្សនារូបភាពខាងក្រោម ៖