កូរ៉េខាងត្បូង ៖ BTS ជាក្រុមតារាចម្រៀងដ៏មានប្រជាប្រិយ នាពេលបច្ចុប្បន្ន ក្នុងស្រទាប់យុវវ័យ ទាំងរូបសម្បត្តិ និងសមត្ថភាព ជាពិសេសបទចម្រៀងនីមួយៗរបស់ពួកគេ មានបង្កប់ទៅដោយអត្ថន័យយ៉ាងជ្រាលជ្រៅ និងសារអប់រំជាច្រើនទៅដល់អ្នកស្តាប់ ក៏ដូចជាអ្នកគាំទ្រ ធ្វើឲ្យពួកគេតែងតែឈ្នះពានរង្វាន់ ជាច្រើននៅក្នុងកម្មវិធីជាហូហែ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្វីដែលកាន់តែពិសេសនោះ ថ្មីៗនេះ ក្រុមតារាចម្រៀង BTS នេះទើបតែបានចូលរួម កម្មវិធីមួយរបស់អាមេរិចគឺ American Music Awards ២០២០ ដែលក្រុមរបស់ពួកគេ ត្រូវបានតែងតាំងក្នុង នាមជា Favorite Duo or Group - Pop/Rock និង Favorite Social Artist ដែលក្នុងនោះ ពួកគេត្រូវបានប្រកួតប្រជែងជាមួយនិង ក្រុម Jonas Brothers តារាចម្រៀងប្រុស Maroon 5 តារាចម្រៀងស្រី Billie Eilish Ariana Grande ក្រុម EXO និងក្រុម NCT ១២៧ ហើយក្រុម BTS ក៏បានឈ្នះពានរង្វាន់ទាំងពីរនេះផងដែរ ។
មិនត្រឹមតែប៉ុណ្ណោះទេ ពួកគេក៏បានសម្តែង បទចម្រៀងថ្មីដែលទើបតែ Comeback ថែមទៀត គឺបទ Life Goes On ជាលើកដំបូងនៅក្នុងកម្មវិធី AMA’s ២០២០ នេះ សូមអប់អរដល់ក្រុម BTS សម្រាប់ការឈ្នះពានរង្វាន់នេះ ៕