ថៃ៖ ​ជាការពិតណាស់ តួឯកប្រុសលោក Kem Hussawee កំពុងទទួលបានការគាំទ្រខ្លាំងមិនធម្មតាពីសំណាក់ហ្វេនៗ  ចំពោះទេពកោសល្យក្នុងអាជីពជាតារាសម្ដែងរបស់លោក​។ ជាពិសេសទៅទៀតនោះ ​បន្ទាប់ពីលោកថតរឿងចាប់ដៃគូជាតារាស្រី Mookda Narinrak រួចមក ប្រិយមិត្តដែលតាមដានរឿង « So Wayree » នាំគ្នាផ្គូផ្គងឲ្យអ្នកទាំងពីរ មានទំនាក់ទំនងលើសពីមិត្តរួមការងារទៀតផង។

ជាក់ស្ដែង កាលពីពេលថ្មីៗនេះ តារាប្រុសរូបនេះ បានផ្តល់បទសម្ភាសន៍ទៅកាន់អ្នកសារព័ត៌មានថា លោកបានទៅថតកម្មវិធីឲ្យស្ថាននីយ៍ទូរទស្សន៍មួយជាមួយ Mookda ហើយនេះក៏ជាលើកដំបូងដែល​​លោកបានទៅដល់ផ្ទះរបស់នាងស្ថិតក្នុងខេត្ដ Ranong ។ ជាមួយគ្នានេះដែរតារាប្រុសរូបនេះបានបន្ដទៀតថា ក្នុងកម្មវិធីនោះក្រៅពីលោក និង Mookda ក៏មានវត្តមានឪពុកម្ដាយរបស់ Mookda អញ្ជើញចូលរួមផងដែរ។

លើសពីនេះទៅទៀតតួឯកប្រុស Kem  បានបង្ហើបបន្ថែមថា ការពិតទៅមានហ្វេនៗជាច្រើនចង់ឲ្យលោក និង Mookda ថតនៅទីនោះឲ្យយូរមកហើយ​ ទីបំផុតលោកបានធ្វើតាមនូវអ្វីដែលហ្វេនៗសំណូមពរហើយ។ បន្ទាប់ពីបានដឹងថា តារាប្រុសរូបនេះបានទៅលេង និងស្គាល់ផ្ទះរបស់ Mookda ព្រមទាំងបានរួមការងារជាមួយគ្នាទៀតនោះ រឿងនេះធ្វើឲ្យហ្វេនៗរំភើបរីករាយ ញញឹមបិទមាត់មិនជិត និងរង់ចាំដំណឹងល្អឆាប់ៗរបស់ពួកគេទាំងពីរផងដែរ៕

សូមទស្សនារូបភាពខាងក្រោម ៖

Kem Hussawee
Kem Hussawee
Kem Hussawee
Kem Hussawee
Mookda Narinrak
Mookda Narinrak
Kem Hussawee និង  Mookda Narinrak
Kem Hussawee និង Mookda Narinrak

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ