ចិន៖ ឆ្លងកាត់ពេលវេលាប្រមាណ២ ឆ្នាំ កន្លងមកនេះ ក្រឡេកឃើញថា តារាសម្ដែងស្រី Liu Yifei ហៅ សៀវ ឡុងនី ត្រូវបានអ្នកលេងបណ្ដាញសង្គម ក៏ដូចជាមហាជនជាច្រើន បានលើកឡើងពីបញ្ហាសម្រស់របស់នាង ដែលបានក្លាយទៅជាប្រធានបទ ដ៏ចម្រូងចម្រាសនៅក្នុងឧស្សាហកម្មកម្សាន្ត ដោយសារតែ មានភាពប្រែប្រួល លែងរក្សាសម្រស់ទេពអប្សរដ៏ទាក់ទាញរបស់នាង ដូចកាលពីមុន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ បើងាកមកមើល ពីសម្រស់ តារាស្រីរូបនេះ កាលពីច្រើនឆ្នាំមុន នៅក្នុងពេលដែលនាង ត្រូវបានក្លាយទៅជា តារាស្រីកំពូលសម្រស់ មានភាពស្រស់ស្អាតដ៏ល្អឥតខ្ចោះ មិនថាជា រូបថតសម្រាប់ទស្សនាវដ្តី រូបថតដែលថតដោយអ្នកឆ្លងកាត់ ឬជារូបថត ដែលនៅខាងក្រោយឆាកកម្មវិធីនោះទេ ក៏តារាស្រី Liu Yifei នៅតែទទួលបានការចាប់អារម្មណ៍យ៉ាងខ្លាំង ចំពោះសម្រស់នេះ ព្រមជាមួយទឹកមុខ និងស្នាមញញឹម ដ៏មានមន្ត្ដស្នេហ៍ ធ្វើឲ្យអ្នកទស្សនា កាន់តែរំជួលចិត្ត។
ម៉្យាងវិញទៀត អ្នកសរសេរប្លុកចិន ក៏បានចែករំលែករូបថតដ៏កម្រទាំងនេះ ជាច្រើនសន្លឹក របស់ Liu Yifei ពីភាពវ័យក្មេង និងភាពលេចធ្លោ ដែលបានធ្វើឲ្យនាងក្លាយទៅជា តារាស្រីលំដាប់ជួរមុខ និងទទួលបានការចាប់អារម្មណ៍ និងការសរសើរពីសំណាក់មហាជន៕
សូមទស្សនារូបភាពខាងក្រោម៖