អ្នករិះគន់Yang Zi ភ្លឺភ្នែក ក្រោយឃើញមុខមាត់ក្រៅឆាក

ចិន៖ ក្នុងរយៈពេលកន្លងមកនេះ អាចនិយាយបានថា តារាសម្ដែងស្រី Yang Zi ហាក់មានភាពស្ងប់ស្ងាត់ ក៏ដូចជាកម្រចូលរួមក្នុងកម្មវិធីធំៗ ដែលធ្វើឲ្យមិនសូវជាមានរូបភាព បង្ហាញមុខមាត់នៅលើបណ្ដាញសង្គម ខណៈពេលដែលកំពុងតែមមាញឹកនៅក្នុងការថតខ្សែភាពយន្តថ្មី។

ដោយឡែក កាលពីថ្មីៗនេះ យោងតាម ទំព័រ Sina បានរាយការណ៍ថា មានរូបភាពខាងក្រោយឆាកនៃការថតខ្សែភាពយន្តថ្មីរបស់ តារាស្រី Yang Zi  ដែលត្រូវបានចែករំលែកដោយអ្នកសរសេរប្លុកចិន ដែលនៅក្នុង រូបភាពទាំងនេះបានបណ្តាលឲ្យផ្ទុះការចាប់អារម្មណ៍យ៉ាងខ្លាំង នៅលើបណ្តាញសង្គម Weibo យ៉ាងឆាប់រហ័ស ដោយការមើលឃើញ ពីរូបសម្រស់ ដ៏គួរឱ្យភ្ញាក់ផ្អើល របស់នាង។ 

មិនត្រឹមតែប៉ុណ្ណោះ នៅក្នុងរូបភាព បានបង្ហាញឲ្យឃើញពីមុខមាត់ រូបរាងដ៏តូចច្រឡឹង ស្លីមស្អាត ព្រមជាមួយនឹងឈុតសម្លៀកបំពាក់ដ៏ទាន់សម័យ ដែលកំពុងតែទាក់ទាញចិត្តអ្នកទស្សនាជាច្រើន ជាពិសេស តាមរយៈការបង្ហាញខ្លួនលើកនេះ ពិតជាគួរឱ្យស្រឡាញ់ខ្លាំង និងមានភាពខុសគ្នា ពីរូបភាពមុនៗដែលបានបង្ហាញខ្លួនរបស់តារាស្រី ថែមទៀតផង។ 

ម៉្យាងវិញទៀត នាងថែមទាំងទទួលបានការសរសើរ និង ពេញចិត្តពីសំណាក់អ្នកគាំទ្រ នៅលើបណ្តាញសង្គម ដែលធ្វើឲ្យពួកគេ បានបង្ហាញពីចំណាប់អារម្មណ៍ក្នុងការរង់ចាំតាមដានទស្សនារឿងថ្មីរបស់នាង នៅពេលខាងមុខនេះ ៕ 

សូមទស្សនារូបភាពខាងក្រោម៖