កន្លងច្រើនឆ្នាំមកនេះ តើតួអង្គក្នុងរឿង«មរណមាតា» ម្នាក់ៗប្រែប្រួលសម្រស់ យ៉ាងណាខ្លះហើយ?

ភ្នំពេញ៖ កាលពីអំឡុងឆ្នាំ ២០០៤ ប្រិយមិត្តប្រហែលជានៅចាំបាន ជាមួយរឿងភាគបុរាណខ្មែរ "មរណមាតា"  ដែលរឿងមួយនេះ ពិតជាមានសន្ទុះនៃការគាំទ្រច្រើនខ្លាំងមែនទែន ព្រោះថាសាច់រឿងទាំងមូល ពោរពេញទៅដោយភាពកម្សត់ តាំងដើមរហូតដល់ចប់តែម្ដង។

ហើយអ្វីដែលពិសេស តួអង្គសម្ដែងនីមួយៗ សុទ្ធសឹងតែពូកែៗ មានសមត្ថភាពសម្ដែងបានយ៉ាងល្អ រហូតធ្វើឲ្យរឿងភាគមួយនេះ កាន់តែល្អមើលខ្លាំង និងអាចឆាបឆក់យកចិត្តមហាជនឲ្យតាមដាន និងនៅតែចងចាំតួអង្គប្រុសស្រីនៅក្នុងរឿងរហូតដល់សព្វថ្ងៃ ទោះបីជាពេលវេលាបានកន្លងផុតទៅជាច្រើនឆ្នាំហើយក៏ដោយ។

ដោយឡែក បើយើងក្រឡេកមកមើល ការងារសិល្បៈ របស់តួអង្គសំខាន់មួយចំនួនក្នុងរឿងនេះវិញ យើងនៅតែសង្កេតឃើញថា ពួកគេនៅតែមានប្រជាប្រិយភាពខ្លាំងដដែល ពិសេសបើងាកមកមើលមុខមាត់ រូបសម្បត្តិរបស់ពួកគេវិញ ឃើញថាម្នាក់ៗមានវ័យច្រើនអស់ទៅហើយ ប៉ុន្តែបើនិយាយពីសម្រស់និងការលេងស្ទាយ៍តុបតែងខ្លួនរបស់ពួកគេវិញ គឺថានៅតែក្មេង ស្អាតមិនចាញ់កាលពីមុនឡើយ៕

ចង់ជ្រាប ថាសម្រស់ពីមុន និងពេលនេះ របស់តួអង្គទាំងនោះ មានការផ្លាស់ប្ដូរយ៉ាងណា?

ទស្សនារូបភាពខាងក្រោម៖

១.ឡោម លក្ខណា

តារាស្រីរូបនេះ បានសម្ដែងជាឆ្នាស់ ដែលជាកូនប្រពន្ធចុងកាលពីនៅតូច។ ហើយពេលនេះ នាងក៏នៅតែមានឈ្មោះបោះសម្លេងក្នុងសិល្បៈដូចមុនដដែល ពិសេសមុខមាត់នៅតែស្អាត ទោះបីជាមានគ្រួសារ មានកូនរួចហើយក៏ដោយ។

២.លី ចាន់សីហា

តួអង្គនាងមរណមាតាកាលពីនៅតូច គឺ លី ចាន់សីហា ពិតជាសម្ដែងបានយ៉ាងសាកសមទាំងខ្លួននៅក្មេងនៅឡើយ។ ហើយពេលនេះ នាងក៏មានអាយុច្រើន មានកូន និងប្រែប្រួលសម្រស់ស្អាតជាងកាលពីក្មេង មើលសឹងលែងចង់ស្គាល់។

៣.ហម ឈរ៉ា

លោក ហម ឈរ៉ា គឺជាតួអង្គឪពុក ដែលមកទល់សព្វថ្ងៃ នៅតែសង្ហា និងតែងបង្ហាញមុខក្នុងរឿងភាគល្បីជាច្រើនផងដែរ។

៤​.គង់ សុជាតិ

អ្នកនាង គង់ សុជាតិ មកទល់សព្វថ្ងៃ នាងក៏វិវត្តខ្លួនទៅជាពិធីការិនីដ៏ល្បី និងមានសម្រស់ស្អាត សាច់ចាំ ក្មេងជាងវ័យ ខណៈមានគ្រួសារ មានកូនធំៗទន្ទឹមខ្លួនទៅហើយ។

៥.ស្វែង សុជាតា

តួអង្គម្ដាយឆ្នាស់រូបនេះ ក៏មានអាយុច្រើនទៅហើយដែរ។ ហើយចំពោះការងារសិល្បៈមកទល់សព្វថ្ងៃ នាងក៏នៅតែមមាញឹក ​និងអាចថែរក្សាសម្រស់ក្មេងដដែល។

៦.ដាញ់ ម៉ូនីកា

តួឯកស្រីរូបនេះ ក៏ដូចគ្នាដែរ មកទល់ពេលនេះ នាងកាន់តែមានវ័យច្រើន និងមានកូន មានគ្រួសាររស់នៅយ៉ាងមានសុភមង្គលផងដែរ។ ហើយសម្រស់របស់នាង ក៏នៅតែស្អាតមិនចាញ់កាលពីមុននោះឡើយ។

៧.ហេង ប៊ុនលាភ

តួឯកប្រុសរូបនេះ សព្វថ្ងៃ តាំងពីមានគ្រួសារមក លោកហាក់ឃ្លាតឆ្ងាយពីសិល្បៈ ដោយលោកក៏បានប្រើជីវិតរស់នៅយ៉ាងសាមញ្ញ និងមានក្ដីសុខបំផុតជាមួយគ្រួសារ រីឯរូបសម្បត្តិក៏ប្រែពីមុនឆ្ងាយដែរ។