ទើបកើតបានពីរថ្ងៃ កូនស្រីទីពីរ ផន សុផារី មានមុខមាត់ឡើងឃ្យូត

ភ្នំពេញ៖ កាលពីប៉ុន្មានថ្ងៃមុននេះ អតីតតារាកំប្លែងស្រីដ៏ល្បីឈ្មោះ អ្នកនាង ផន សុផារី ទើបតែបានបង្ហាញប្រាប់ដំណឹងល្អដល់មហាជនដែលជាអ្នកគាំទ្រ ដោយនាងបានធ្វើការសម្រាលបានកូនស្រីម្នាក់ទៀត ដោយសុវត្ថិភាព ក្រោយពីបានពរពោះអស់រយៈពេលជាងប្រាំបួនខែមកនេះ។

ក្នុងនោះដែរ បន្ទាប់ពីសម្រាលបានរយៈពេលពីរថ្ងៃ  អ្នកនាង ផន សុផារី  ក៏ដូចជាស្វាមីនាងផ្ទាល់ ក៏បានបង្ហោះរូបភាពកូនស្រីទីពីរដែលទើបនឹងកើត ជាហូរហែនៅលើបណ្ដាញសង្គមផងដែរ។ ដោយរូបភាពអស់ទាំងនោះ បង្ហាញឲ្យឃើញថា ត្បិតតែនាងតូចទើបតែកើតបានប៉ុន្មានថ្ងៃក៏ពិតមែន ប៉ុន្តែបើសង្កេតទៅ គេពិតជាមានមុខមាត់ឃ្យូត គួរឲ្យក្នាញ់ខ្លាំងតាំងពីកំណើតតែម្ដង ពិសេសគឺទម្រង់មុខក្មេងតូចនេះ គឺស្អាតកាត់បានទៅរកប៉ាម៉ាក់គេគ្មានខុសនោះឡើយ។

ស្របគ្នានេះ ក្រោយពីបានឃើញរូបថតកូនស្រីទីពីររបស់តារាស្រីរូបនេះបង្ហោះរួចហើយ ក្នុងនាមជាអ្នកគាំទ្រដែលនៅតែស្រលាញ់ចូលចិត្តនាង ពួកគេក៏បានពោលពាក្យសរសើរអំពីកូននាង ក៏ដូចជាផ្ញើពាក្យជូនពរនាង ឲ្យមានសុខភាពល្អទាំងម្ដាយទាំងកូនផងដែរ៕

ទស្សនារូបភាពខាងក្រោម៖