CL ប្រកាសដំណឹងដ៏រំភើប អំពីការត្រលប់មកលើឆាកសម្ដែងបទចម្រៀង ក្រោយអាក់ខាន៤ឆ្នាំ

កូរ៉េខាងត្បូង៖ យោងតាមគណនីហ្វេសប៊ុកជាផ្លូវការរបស់ តារាចម្រៀងទោល CL បានប្រកាសថា តារាស្រីរូបនេះ នឹងធ្វើការសម្តែងបទចម្រៀងថ្មី នៅលើកម្មវីធី «The Late Late Show ជាមួយ James Corden» របស់ទូរទស្សន៍ CBS ។

ក្នុងនោះផងដែរ អតីតមេក្រុម របស់ក្រុមចម្រៀងស្រី 2NE1 រូបនេះ ក៏បានបញ្ជក់ថា នឹងសម្តែងបទថ្មីរបស់នាង «+ H ₩ A +» ជាលើកដំបូងនៅកម្មវិធីជជែកកម្សាន្ត ពេលរាត្រីដ៏ពេញនិយមរបស់ ប្រទេសអាមេរិកមួយនេះ។

ទៀតសោត ការសម្តែងរបស់ CL នឹងចាក់ផ្សាយនៅថ្ងៃទី ២៩ ខែតុលា វេលាម៉ោង ១២ និង ៣៧ នាទី ម៉ោងនៅអាមេរិក (២:៣៧ ល្ងាច ម៉ោងក្នុងស្រុក)  ប៉ុន្តែ ប៉ុន្មានម៉ោងក្រោយ បន្ទាប់ពីការចេញបទចម្រៀងជាផ្លូរការ នៅម៉ោង ១១ ព្រឹក។

យ៉ាងណាមិញ វាមានរយៈពេលបួនឆ្នាំហើយ ដែល CL ខកខានបានឡើងសម្តែងក្នុងកម្មវិធីទូរទស្សនិ៍ ដោយការសម្តែងលើកចុងក្រោយនៅក្នុងកម្មវិធីមួយនេះ កាលពីឆ្នាំ ២០១៦ ក្នុងបទចម្រៀងទោលរបស់នាង« Lifted»។

តើប្រិយមិត្តរំភើប ពេលដែលឃើញ CL លេចមុខក្នុងកម្មវិធីទូរទស្សនិ៍ម្តងទៀត?

សូមទស្សនារូបខាងក្រោម៖