នៅក្នុងខ្សែជីវិតរបស់មនុស្សសុទ្ធតែបានឆ្លងកាត់នូវរឿងរ៉ាវជាច្រើន ហើយការបានឆ្លងកាត់នូវរឿងរ៉ាវ​ទាំងអស់នោះ​ហើយ​ ដែលយើងហៅថាអតីតកាល។ អតីតកាលខ្លះរម្លឹកទៅធ្វើឱ្យយើងរំភើបរីករាយ រីឯអតីតកាលខ្លះទៀតរម្លឹក​ទៅបែរ​ជាធ្វើឱ្យយើង​សោកស្ដាយ ឬមិនសប្បាយចិត្តទៅវិញ។ អតីតកាលដែលល្អគួរតែរម្លឹក តែអតីតកាលដែលមិនល្អ​មិនចាំបាច់រម្លឹកវានោះទេ តែយើងគ្រាន់តែយកវាជាមេរៀនទៅបានហើយ។

ការរៀនពីអតីតកាលមិនល្អរបស់យើង គឺជាមេរៀនដ៏ល្អបំផុតដែលគ្មានអ្នកណាម្នាក់​អាចបង្រៀនយើងបានក្រៅពីខ្លួន​យើងឡើយ ហើយមេរៀននេះទៀតសោត ក៏គ្មានសាលាណាអាចបង្រៀនយើងបាននោះដែរ ប៉ុន្តែទាស់ត្រង់ថា តើយើង​ព្រមរៀនសូត្រពីវាដែរ ឬអត់?

រូបតំណាង

មានមនុស្សមិនតិចនាក់ឡើយដែលនៅតែសោកស្ដាយស្រណោះ និងចង់វិលត្រឡប់ទៅកែប្រែអតីតកាលរបស់ខ្លួនវិញ តែវាមិនអាចឡើយ ព្រោះរឿងទាំងនោះបានរសាត់អណ្ដែកទៅតាមពេលវេលាអស់ទៅហើយ។ នៅអាឡោះអាល័យជាមួយអតីតកាល គឺជាហេតុធ្វើឱ្យយើងមិនអាចបន្តដំណើរទៅមុខទៀតបាន ក៏ព្រោះតែយើង​នៅ​វិល​វល់ជាមួយរឿងដែលកន្លងហួសទៅហើយ។ យើងធ្វើដំណើរនៅតាមផ្លូវ បើរវល់តែងាកក្រោយ ធ្វើម៉េចនឹងអាចទៅ​ដល់​​គោលដៅបាន។

រូបតំណាង

ល្មមដល់ពេលដោះលែងវាហើយ។ បើចង់មានសេរីភាពឈប់ឃុំខ្លួនឯង នៅក្នុងគុកអតីតកាលទៀតទៅ។ បើចង់បង្កើត​អតីតកាលដែលល្អ យើងត្រូវរស់នៅក្នុងថ្ងៃនេះឱ្យបានល្អ ព្រោះថ្ងៃនេះនឹងក្លាយទៅជាអតីកាលរបស់ថ្ងៃស្អែក ហើយ​បើរស់​នៅក្នុងថ្ងៃនេះបាលល្អ នោះយើងនឹងអាចបន្សល់ទុកអតីតកាលដែលល្អបានដូចគ្នា៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក មេរៀនជីវិត និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ