ហូជីមិញ៖ អ្នកនិពន្ធបទចម្រៀង និងអ្នកចម្រៀងវ័យក្មេងលោក Jack នឹងក្លាយជាអ្នកតំណាងរបស់ប្រទេសវៀតណាមនៅក្នុងព្រឹត្តិការណ៍ MTV Europe Music Awards (EMA) ពានរង្វាន់អាស៊ីអាគ្នេយ៍ល្អបំផុតប្រចាំឆ្នាំ ២០២០ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតារាចម្រៀងវ័យ ២៣ ឆ្នាំរូបនេះនឹងប្រកួតប្រជែងជាមួយតារាចម្រៀង Violette Wautier មកពីប្រទេសថៃ, Benjamin Kheng មកពីប្រទេសសិង្ហបុរី, Agnez Mo មកពីប្រទេសឥណ្ឌូនេស៊ី និងក្រុមតន្រ្តី K-Clique Malaysia និង ក្រុម Ben & Ben មកពីប្រទេសហ្វីលីពីនសម្រាប់ពានរង្វាន់នេះ។
ការបោះឆ្នោតក្នុងជុំសម្រាប់ទស្សនិកជនក្នុងកម្មវិធី EMA Southeast Asia Act បានចាប់បើកពីថ្ងៃទី ៦ ខែតុលាដល់ថ្ងៃទី ៣ ខែវិច្ឆិកាតាមរយៈបណ្តាញ MTV EMA រួមទាំងគេហទំព័រហ្វេសប៊ុកនិងកម្មវិធីទូរស័ព្ទផងដែរ។ ហើយពិធីប្រគល់រង្វាន់នឹងត្រូវធ្វើឡើងនៅថ្ងៃទី ៩ ខែវិច្ឆិកា។
លោក Jack ដែលមានឈ្មោះពិតគឺ Trịnh Trần Phương Tuấn ត្រូវបានគេស្គាល់កាលពីមួយឆ្នាំមុនជាមួយនឹងភាពជោគជ័យយ៉ាងសម្បើមដោយសារបទ Hồng Nhan , Sóng Gió, Bạc Phận និងបទ Việt Nam Tôi ដែលត្រូវបានសហការគ្នាសម្តែងជាមួយអ្នកនិពន្ធវ័យក្មេង និងជាអ្នកចម្រៀងគឺ K-ICM ។
បទចម្រៀង MV របស់តារារូបនេះបានទាក់ទាញការចូលទស្សនារាប់រយលាននាក់នៅលើយូធូប។ Jack និង K-ICM ត្រូវបានផ្តល់កិត្តិយសដោយកម្មវិធី Mnet Asian Music Awards ក្នុងនាមជាសិល្បករអាស៊ីថ្មីឆ្នើមរបស់ប្រទេស វៀតណាមប្រចាំឆ្នាំ ២០១៩ ។
អ្នកទាំងពីរបានបែកបាក់គ្នានៅដើមឆ្នាំនេះ ហើយពួកគេទាំងពីរកំពុងកសាងអាជីពផ្ទាល់ខ្លួនរបស់ពួកគេរៀងៗខ្លួន។ Jack ទទួលបានជោគជ័យយ៉ាងខ្លាំងជាមួយនឹងអាជីពផ្ទាល់ខ្លួនរបស់គាត់។
វីដេអូចម្រៀងចុងក្រោយរបស់ Jack គឺ Hoa Hải Đường ដែលបានជាប់ចំណាត់ថ្នាក់លេខ ១ សម្រាប់ការនិយមមើលលើយូធ្យូបនៅវៀតណាមដោយមានអ្នកចូលទស្សនាចំនួន ៨,២ លានដងក្នុងរយៈពេល ១៦ ម៉ោងបន្ទាប់ពីការចេញផ្សាយ។
ចំពោះវីដេអូចម្រៀងចុងក្រោយនេះផងដែរ ក៏ទទួលបានការចូលទស្សនាជាង ៦៣ លានដងចាប់តាំងពីថ្ងៃចេញផ្សាយនៅថ្ងៃទី ២២ ខែកញ្ញា។ នៅថ្ងៃទី ១០ ខែមិនា Jack បានចេញ MV ទោលដំបូងរបស់គាត់គឺ Being A Boy ដែលក៏ជាប់ចំណាត់ថ្នាក់លេខ ១ នៅលើយូធូបនៅវៀតណាមក្នុងរយៈពេលតែ ៩ ម៉ោងបន្ទាប់ពីការចេញផ្សាយ និងមានអ្នកចូលទស្សនារហូតដល់ ៤,៥ លាននាក់៕
សូមទស្សនាវីដេអូខាងក្រោម៖
ប្រភព៖ Viet Nam News