មិនធម្មតា! ប្ដីប្រពន្ធមួយគូ ចំណាយពេល១០ឆ្នាំដឹកដីតាមទូកទៅចាក់លើដីដុះកណ្ដាលដៃទន្លេ រហូតបានកូនកោះមួយទុកចិញ្ចឹមទា

វៀតណាម៖ ប្ដីប្រពន្ធជនជាតិវៀតណាមមួយគូ បានចំណាយពេលរហូតដល់១០ឆ្នាំ ដើម្បីដឹកជញ្ជូនដីទៅចាក់លើដីដុះកណ្ដាលដៃទន្លេ ហើយដាំដើមឈើសម្រាប់ទប់ដី រហូតទទួលបានកូនកោះដ៏ស្រស់ស្អាតមួយ ដែលស្ថិតនៅដៃទន្លេ Diem Dien Stream ក្នុង​ខេត្ត​ Quang Ngai ភាគ​កណ្ដាលប្រទេស​វៀតណាម ​។​

លោក Pham Duc Quang និងភរិយាឈ្មោះ​ Phung Thi Thuy បានដឹកដីតាមទូកទៅចាក់នៅកណ្ដាលដៃទន្លេ ចម្ងាយប្រហែល២០០ម៉ែត្រពីដីគោក ដើម្បីបង្កើតជាកោះមួយដែលមានផ្ទៃក្រឡាទំហំ ៤០០ម៉ែត្រការ៉េ។ ក្រោយមក លោក Quang ក៏បានជួលគេឲ្យសាងសង់ផ្ទះនៅលើនោះ​ ព្រោះតែលោកបានរងគ្រោះ​​​​​​​​​​​​ដោយសារគ្រាប់មីន ហើយបណ្ដាលឲ្យពិកាដៃតាំងពីក្មេងមកម្ល៉េះ។

មកទល់ពេលនេះ អ្នកទាំងពីរបានរស់នៅ និងចិញ្ចឹមទាលើកោះសប្បនិម្មិតអស់រយៈពេល២៥ឆ្នាំហើយ។ កោះនោះ ត្រូវបានឲ្យឈ្មោះថា «ផ្ទះរីករាយ»​ ដោយសារតែរបងដែលពួកគាត់រុំព័ទ្ធសម្រាប់ចិញ្ចឹមទា មានរាងដូចបេះដូងអីចឹងដែរ។

តាមពិតទៅ លោក Quang និងភរិយាមិនមែនជាអ្នករស់នៅអចិន្ដ្រៃយ៍លើកោះឡើយ ហើយបច្ចុប្បន្នពួកគាត់រស់នៅជាមួយកូនៗលើដីគោក ប៉ុន្ដែអ្នកទាំងពីរចូលចិត្ដទៅបរិភោគអាហារថ្ងៃត្រង់ ក៏ដូចជាសម្រាកលេងពេលរសៀល និងពេលល្ងាចនៅទីនោះ។ ទន្ទឹមនឹងនេះដែរ លោក Quang បាននិយាយបែបលេងសើចថា​៖

សូមទស្សនារូបភាពខាងក្រោម៖