កូរ៉េខាងត្បូង៖ នៅថ្ងៃទី ៩ ខែតុលាអាល់ប៊ុម «The Album» របស់ក្រុមចម្រៀងនារីដ៏មានឥទ្ធិពល BLACKPINK បានបង្ហាញខ្លួនជាលើកដំបូងនៅចំណាត់ថ្នាក់លេខ ២ លើតារាងផ្លូវការរបស់ចក្រភពអង់គ្លេស ដែលបានបង្កើតកំណត់ត្រាថ្មីរបស់ក្រុមចម្រៀងនារីមួយនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតួយ៉ាង «The Album» ស្ថិតក្នុងចំណាត់នៅពីក្រោយអាល់ប៊ុម «Live Around The World» របស់ Queen និង Adam Lambert នៅក្នុងសប្តាហ៍នេះ ទោះជាយ៉ាងណា ពួកគេបានបង្កើតកំណត់ត្រាថ្មីសម្រាប់ក្រុមនារី K-Pop ព្រោះមិនមានក្រុមនារី ណាម្នាក់នៅក្នុងប្រវត្តិសាស្ត្របានឈានចូលជាប់ចំណាត់ថ្នាក់លេខ ១០ នៅលើតារាងផ្លូវការរបស់ចក្រភពអង់គ្លេស ពីមុនមកនោះទេ។
បន្ថែមលើនេះ បទគោលដែលជាកាលវិលត្រឡប់របស់ BLACKPINK «Lovesick Girls» ក៏បានបង្ហាញខ្លួននៅលេខ ៤០ អមដោយបទ «Bet You Wanna» ច្រៀងរួមគ្នាជាមួយ Cardi B នៅលេខ ៦២ និង «Ice Cream» ដែលជាសហការជាមួយ Selena Gomez ជាប់ចំណាត់ថ្នាក់លេខ ៨០ នៅសប្តាហ៍នេះផងដែរ។
លើសពីនេះ កាលពីដើមឆ្នាំនេះបទចម្រៀងដែលជាសហការរបស់ BLACKPINK ជាមួយ Lady Gaga ចំណងជើងថា «Sour Candy»ក៏បានជាប់ក្នុងបញ្ជីទាំង ១០០ នៅលើ តារាងផ្លូវការបទចម្រៀងរបស់ចក្រភពអង់គ្លេស ដែលធ្វើឲ្យក្រុមតារានារី K-Pop មួយនេះ បានបង្ហាញខ្លួននៅតារាងបទចម្រៀងកំពូលទាំង១០០ នៅឆ្នាំនេះ ចំនួនសរុប ៤ បទផ្សេងៗគ្នា៕
សូមអបអរសាទរក្រុមចម្រៀងនារី BLACKPINK!
សូមទស្សនារូបខាងក្រោម៖