Mario និង Kimberley នឹងចាប់ដៃគ្នាសម្តែងជាថ្មី សម្រាប់វគ្គទី២ ក្នុងរឿងភាគថ្មីនេះ

ថៃ៖ បើតាមការរាយការណ៍បានឲ្យដឹងថា តារាប្រុសលោក Mario Maurer និងតារាស្រី Kimmy Kimberley នឹងជួបគ្នានៅក្នុងរឿងភាគថ្មី ដែលជារឿងល្បី និងមានការគាំទ្រខ្លាំងពីសំណាក់មហាជន។

ប្រភពដដែលបានបន្ថែមទៀតថា សម្រាប់រឿងភាគថ្មីវគ្គ ២ នេះគឺមានចំណងជើងថា «Thong Aek Mor Yah Tah Chalong»។ គួរបញ្ជាក់ផងដែរថា កាលពីវគ្គទី១ តួឯកប្រុសស្រីក៏ជាលោក Mario និងកញ្ញា Kimberley ផងដែរ។

តួយ៉ាង កាលពីឆ្នាំ ២០១៩ រឿងភាគនេះទទួលបានការសរសើរយ៉ាងខ្លាំងពីសំណាក់ទស្សនិកជន នៅពេលចាក់ផ្សាយលើកញ្ចក់ទូរទស្សន៍ប៉ុស្តិ៍លេខ៣ ដោយសារតែរឿងនេះបែបកំប្លែង និងមានកាយវិការបែបក្រមិចក្រមើម។

រីឯវគ្គ២ នេះវិញគ្រាន់តែប្រកាសភ្លាម ធ្វើឲ្យអ្នកគាំទ្រជាច្រើនសប្បាយរីករាយ និងរង់ចាំទស្សនាការសម្តែងរបស់ Mario និង Kimberley៕

សូមទស្សនារូបភាពខាងក្រោមនេះ៖