ខែថ្មី បទចម្រៀងថ្មី ជាមួយ MYTV Play! (មានវីដេអូ)

ភ្នំពេញ៖ MYTV Play នឹងមិនធ្វើឱ្យទស្សនិកជនមានអារម្មណ៍ថានឿយហត់​ នឿយណាយនោះឡើយ បើទោះបីនៅពេលកំពុងបំពេញការងារ ឬក៏សម្រាកជួបជុំបងប្អូន នាឱកាសដ៏វិសេសវិសាលរបស់លោកអ្នក សូមទទួលយកនូវទស្សនីយភាពថ្មីបន្តទៀតជាមួយ MYTV Play។

នាឱកាសដើមខែថ្មីនេះ យើងបានលើកយកបទចម្រៀងបរទេសមួយបទ គឺបទ Wonderful Tonight ដែលអាយុកាលមកដល់ពេលនេះ ៤៣ឆ្នាំ ត្រូវបកស្រាយឡើងដោយលោក ជួន ចាន់ទិត្យា នៅក្នុងស្បៃរាត្រីដ៏ស្រស់ត្រកាល ដោយការបំពក់ភ្នក់ភ្លើង លាយឡំនឹងសម្លេងរៃ រួមជាមួយហ្គីតា Acoustic ដ៏ផ្អែមរបស់តន្ដ្រីករ MYTV Play។ ចម្រៀងមនោសញ្ចេតនាបែបនេះ ជឿជាក់ថានឹងធ្វើឱ្យទស្សនិកជនចងចាំនៅសេចក្ដីស្រលាញ់ជាមួយគូស្នេហ៍​ បងប្អូន គ្រួសារ នាពេលរាត្រីដ៏អស្ចារ្យ សូមដក់ជាប់ក្នុងក្រអៅបេះដូងរបស់ប្រិយមិត្ត។

កម្មវិធីដែលទទួលបានការគាំទ្រយ៉ាងច្រើននេះ ធ្វើការចាក់ផ្សាយជារៀងរាល់ថ្ងៃ នៅលើកញ្ចក់ទូរទស្សន៍ MYTV ហើយដើម្បីឱ្យកាន់តែងាយស្រួលជាងនេះទៀត គឺបងប្អូនទស្សនិកជនអាចចូលទស្សនាក្នុងបណ្ដាញសង្គមហ្វេសប៊ុកផេក MYTV Play និង Chanel Youtube “MYTV Play” លោកអ្នកនឹងទទួលបាននៅបទចម្រៀងថ្មីៗបន្តទៀត ជាមួយ Idol ក្នុងដួងចិត្ត។

សូមរីករាយទស្សនា វីដេអូខាងក្រោម៖