ស្នេហា៖ អ្នកប្រាកដជា ឈឺចាប់ខ្លាំងណាស់ហើយ នៅពេលដែលបានដឹងថា ខ្លួនឯងកំពុងតែមាន ទំនាក់ទំនងជាមួយ មនុស្សប្រុសម្នាក់ ដែលមិនមាន នៅក្តីស្រលាញ់សេសសល់ ឲ្យអ្នកតទៅទៀតនោះ តែយ៉ាងណាក៏អ្នក ត្រូវតែរៀនប្រឈមមុខនឹងការពិត បើទោះបីជានៅមានចិត្តស្រលាញ់ គេខ្លាំងយ៉ាងណាក៏ដោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកុំនៅអាលោះអាល័យយូរពេក នាំតែធ្វើឲ្យខ្លួនឯង កាន់តែឈឺចាប់ និងអស់តម្លៃតែប៉ុណ្ណោះ។ ប្រសិនបើអ្នក បានឃើញដៃគូររបស់អ្នក បង្ហាញនៅកាយវិការប្លែកៗ និងសោះកក្រោះ ខុសកាលពីមុនហើយ ត្រូវរៀនស្វែងយល់ពី កាយវិការទាំងនោះ មុនពេលដែលគេ មកនិយាយប្រាប់អ្នកដោយត្រង់ថា គេឈប់ស្រលាញ់អ្នក តទៅទៀតហើយ។
អ្នកត្រូវយល់ថា ការបាត់បង់ស្នេហា មិនមែនជាកំហុសនោះទេ ព្រោះមានមនុស្ស បាត់បង់ស្នេហា ស្ទើរតែគ្រប់ពេល វាតែងកើតឡើង ជាញឹកញាប់។ រីឯការអស់ចិត្តស្រលាញ់ វាសុទ្ធតែអាចកើតមានឡើង ដោយសារកត្តាផ្សេងៗជាច្រើន ហើយវាក៏មិនអាស្រ័យ លើរយៈពេលដែល អ្នកទាំងពីរ បានទាក់ទងគ្នានោះដែរ។
ទាំងនេះគឺជាសញ្ញាមួយចំនួនដែលបញ្ជាក់ថាមិត្តប្រុសអ្នកគ្មានចិត្តស្រឡាញ់អ្នកទៀតទេ៖
១. គាត់ឈប់ព្យាយាមនិយាយជាមួយអ្នក
ការប្រាស្រ័យទាក់ទងគឺ តែងតែជាចំណុច ដ៏សំខាន់បំផុតមួយ ក្នុងទំនាក់ទំនង ហើយប្រសិនបើអ្នក កត់សម្គាល់ឃើញថា ដៃគូរអ្នកលែងមាន ការទាក់ទងអ្នក ច្រើនដូចមុន នោះហើយគឺជាបញ្ហា។ ច្បាស់ថា ក្នុងទំនាក់ទំនងប្រាកដជា តែងតែមាន នៅការអាក់អន់ចិត្តនឹងគ្នា ហើយក៏កើតមាននៅការ មិនសូវនិយាយគ្នាជាដើម។ តែប្រសិនបើក្នុងករណី អ្នកគ្មានបញ្ហានឹងគ្នាសោះ សុខៗគេក៏ស្រាប់តែលេចឡើង នៅអាការៈបែបនេះ នោះហើយគឺជាបញ្ហា។
២. គាត់មិនមានភាពស្និទ្ធស្នាលដូចមុន
ភាពស្និទ្ធស្នាលគឺ ជារឿងមួយដែលអាច បំបែកស្នេហា និងមិត្តភាពបាន។ ដូច្នេះប្រសិនបើគេឈប់ បង្ហាញនូវភាពសិ្នទ្ធស្នាល ជាមួយអ្នក ហើយលេចឡើង នៅកាយវិការសោះកក្រោះ នោះគឺគេហាក់បញ្ជាក់យ៉ាងច្បាស់ថា គេបានឈប់ស្រលាញ់ អ្នករួចបាត់ទៅហើយ។ ដូច្នេះប្រសិនបើ មិនចង់ឲ្យខ្លួនឯងកាន់តែឈឺចាប់ គួរតែត្រៀមចិត្តបញ្ចប់ ទំនាក់ទំនងនោះតែម្តង ឬអាចសាកសួរទៅកាន់ដៃគូរ ឲ្យបានយល់ច្បាស់ពីមូលហេតុ។
៣. គាត់ចំណាយពេលច្រើននៅឆ្ងាយពីអ្នក
ពេលវេលាគឺជា កាដូដ៏ល្អមួយដែល មនុស្សគ្រប់គ្នាតែងតែង ផ្តល់ទៅឲ្យមនុស្ស ដែលគេស្រលាញ់បំផុត ដែលមាននៅក្នុងចិត្ត។ ដូច្នេះប្រសិនបើ គាត់មិនផ្តល់ពេលវេលាភាគច្រើន នៅជាមួយអ្នកទេ វាអាចទៅរួច ដែលមានន័យថា គាត់មិនមានក្តីស្រលាញ់ឲ្យ អ្នកទៀតទេ។ វាជាការពិតមួយ នៅពេលដែលគាត់ ចាប់ផ្តើមជ្រើសរើស ចំណាយពេលរបស់គាត់ ជាមួយមិត្តភក្តិនិង មិត្តរួមការងារជំនួសឲ្យ ការនៅជាមួយអ្នក។
៤. គាត់ឈប់និយាយពីរឿងអនាគតជាមួយអ្នក
គាត់ចាប់ផ្តើម មានការកែប្រែនៅទម្លាប់ ឬឈប់ចំណាយពេល និងចិត្តគំនិត ចែករំលែកពី រឿងអនាគតជាមួយអ្នកដូចមុន។ បើទោះបីជាពេលដែលអ្នក សួរនាំគាត់អំពីគម្រោង នៅអនាគតផ្សេងៗ ភ្លាមនោះគាត់និង ព្យាយាមផ្លាស់ប្តូរ ឬនិយាយចាកប្រធានបទ មិនផ្តល់ចម្លើយទៅតាមអ្វី ដែលអ្នកបានសួរនោះទេ។
៥. គាត់ចាប់ផ្តើមបង្កើតជម្លោះជាញឹកញាប់
ក្នុងចំណុចនេះ គាត់នឹងព្យាយាម ធ្វើឲ្យអ្នកស្អប់ កាន់តែខ្លាំង។ គាត់ព្យាយាមចាប់ផ្តើម បង្កើតជម្លោះ ជាមួយអ្នកជាហូរហែរ ព្រោះចង់ឲ្យ អ្នកចាប់ផ្តើមមាន ការធុនទ្រាំ។ ហើយនៅពេលដែលគាត់ ធ្វើបែបនោះហើយ ក៏បញ្ជាក់ឲ្យឃើញថាគេគ្មាន នៅចិត្តសេសសល់ ស្រលាញ់អ្នកទៀតនោះដែរ។ ប៉ុន្តែជំនួសឲ្យការដែល និយាយពាក្យបែក ទៅកាន់អ្នកចំៗ គាត់ព្យាយាមអូសអ្នក ឲ្យធ្លាក់ទៅអារម្មណ៍ធុនទ្រាំ និងមានចិត្តឈប់ស្រលាញ់ ដោយខ្លួនឯង។ ហើយវិធីនេះ ក៏ក្លាយទៅជាសម្ពាធ ដែលធ្លាក់មកលើអ្នក ដើម្បីបែកពីគាត់ទៅវិញ។
ដូច្នេះប្រសិនបើ អ្នកកត់សម្គាល់ឃើញថា មិត្តប្រុសអ្នកឈប់ស្រលាញ់ អ្នកទៀតហើយនោះ អ្នកគួរតែធ្វើការសម្រេចចិត្ត ដ៏លំបាកមួយ ថាអ្នកគួរតែបន្តនៅ ហើយព្យាយាមខំលើសដើម ដើម្បីឲ្យគេត្រឡប់ ឬក៏បើកផ្លូវឲ្យគេទៅ។ តែចាំបាច់ដែរទេដែល យើងត្រូវទៅព្យាយាម ឃាត់មនុស្សដែលគេ អស់ចិត្តស្រលាញ់យើងហើយនោះ? ឃាត់បានតែរូបកាយ តែចិត្តនិងគំនិត គេមិននៅជាមួយយើងផងនោះ។ ចុងក្រោយ បានត្រឹមតែនាំនៅភាពឈឺចាប់ ឲ្យខ្លួនឯងកាន់តែច្រើនប៉ុណ្ណោះ។ រៀនបើកចិត្ត ទទួលយកការពិត ហើយបញ្ជាក់ឲ្យគេឃើញថា ទោះគ្មានគេក៏អ្នកនៅតែ អាចរស់នៅបាន ហើយបានយ៉ាងល្អ លើសមុនថែមទៀតផង៕
ប្រភព៖ relrules