ស្នេហា៖ ច្បាស់ណាស់ថា ស្នេហានៅដំណាក់កាលដំបូង គឺពិតជាពោរពេញទៅដោយ ភាពផ្អែមល្ហែម តែរយៈកាលយូរៗទៅ ពេលដែលបានរួមរស់ ជាប្តីជាប្រពន្ធនឹងគ្នាហើយ រសជាតិស្នេហ៍ក៏ចាប់ផ្តើម មានការប្រែប្រួល មកជាល្វីងជូរចត់បន្តិចវិញ ខុសពីពេលដែលជាសង្សារ យូរៗទើបជួបមុខគ្នាម្តងនោះ។
ទោះបីជាកន្លងមក អ្នកធ្លាប់បានទទួល នៅពាក្យលួងលោម ឬសន្យាថាស្មោះត្រង់នឹង អ្នកគ្មានថ្ងៃប្រែ។ ពាក្យសន្យាថា ស្រលាញ់អ្នកជារៀងរហូត គ្មានចិត្តប្រែមានអ្នកថ្មីយ៉ាងណាក៏ដោយ តែពេលវេលាពិតជា អាចកែប្រែចិត្តស្មោះ របស់ មនុស្សប្រុសម្នាក់បាន អាចថាបន្ទាប់ពី បានរៀបការហើយ ប៉ុន្មានថ្ងៃគេនឹងមានអារម្មណ៍ថា មានសុភមង្គល បន្ទាប់មក២ ៣ខែដំបូង គេពេញចិត្តនិង រីករាយក្នុងជីវិតជាប្តីប្រពន្ធ តែ២ទៅ៣ឆ្នាំបន្ទាប់ មិនប្រាកដថាគេគ្មានចិត្ត មើលស្រីថ្មីនោះទេ។
ហើយនៅពេលដែល គេចាប់ផ្តើមមានស្រីថ្មី គេនឹងមិនប្រាប់អ្នកនោះទេ ប្តីសុខចិត្តប្រាប់ស្រីថា ខ្លួនមានប្រពន្ធ តែមិនប្រាប់ប្រពន្ធ ថាខ្លួនមានស្រីទេ។ ព្រោះស្រីខាងក្រៅ ខុសគ្នាពីប្រពន្ធ គេនឹងមិនខ្វល់ថា អ្នកមានប្រពន្ធ ឬគ្មានប្រពន្ធនោះទេ អ្វីដែលគេសម្លឹងឃើញនោះគឺ ផលប្រយោជន៍។ អ្នកមានប្រយោជន៍ឲ្យគេ គេនឹងនៅជាមួយអ្នក។ វាមិនមែនជាក្តីស្រលាញ់ ដែលចេញពីចិត្ត តែជាក្តីស្រលាញ់ ដែលកើតចេញមកពី ការភ្លើតភ្លើន ឬផលប្រយោជន៍ អ្វីមួយតែប៉ុណ្ណោះ។
អ្នកអាចភ្លើចភ្លើន លួចក្បត់ប្រពន្ធមួយយប់ តែទោះយ៉ាងណា ក៏នៅពេលព្រឹកឡើង ទៅដល់ផ្ទះ នៅមានប្រពន្ធ ដែលនៅបារម្ភ និងខ្វល់ខ្វាយ ពីសុខទុក្ខអ្នក។ ព្រោះអ្នកក៏ដឹងច្បាស់ ក្នុងចិត្តដែរថា គ្មានកន្លែងណា ដែលកក់ក្តៅ ជាងផ្ទះខ្លួនឯងនោះទេ ទោះបីជាស្រីក្រៅ ក្មេងស្អាតចេះយកចិត្ត ជាងប្រពន្ធក៏ដោយ ក៏នៅតែមិនល្អជាប្រពន្ធដែរ។
តែចំពោះ ប្រពន្ធខុសគ្នា ព្រោះតែខ្លាចបែកបាក់ ទើបព្យាយាមលាក់បាំង ព្រោះយល់ពីតម្លៃ ទើបមិនចង់បាត់បង់ ។ តែអ្នក៏ត្រូវតែដឹងថា នៅពេលដែលមនុស្ស២នាក់ សម្រេចចិត្តរៀបការនឹងគ្នា គឺប្រៀបដូចជាបាន ត្រៀមខ្លួននឹងធ្វើជាមនុស្ស ដែលជាកម្មសិទ្ធិ របស់គ្នាទៅវិញ ទៅមកហើយ តែប្រសិនបើម្ខាងណា លួចបង្កើតនៅសម្ព័ន្ធភាពថ្មី ជាមួយនឹងអ្នកផ្សេងម្នាក់ទៀត តើអ្នកអាចគិតថា ភាគីម្ខាងទៀត អាចទទួលយកបានដែរឬទេ? តើអ្នកនឹងទ្រាំបានទេ នៅពេលដែលនៅសុខៗ មានគេមកដណ្តើម របស់ដែលអ្នកចូលចិត្តបំផុតចេញពី ក្នុងដៃអ្នកទៅ? ជម្រើសអ្នកមាន២គឺ ទៅដណ្តើមរបស់ដែល អ្នកស្រលាញ់មកវិញ? ឬក៏ព្រម ព្រលែងឲ្យទៅគេ?
តែជាការពិត ប្រពន្ធភាគច្រើន នៅពេលដែលជួប រឿងបែបនេះ ស៊ូអត់ធ្មត់យល់ព្រមលើកលែងទោស ទៅកាន់ប្តី ជាមនុស្សប្រុស ដែលនាងស្រលាញ់ខ្លាំងបំផុត។ ពេលខ្លះមិនហ៊ាន បន្ទោសប្តីតែសុខចិត្ត មកសំងំទឹកភ្នែកម្នាក់ឯង ហើយគិតថា ខ្លួនមិនល្អគ្រប់គ្រាន់ ទើបបានជាប្តី លួចទៅមានស្រី ក្រៅបែបនេះ។ នាងមិនបន្ទោសអ្នកមែន តែអ្នកក៏បានបំផ្លាញ នៅទឹកចិត្តរបស់នាង រួចទៅហើយ ហើយរឿងរ៉ាវនេះ វាក៏នឹងក្លាយទៅជាភាពភ័យខ្លាច ដែលដក់ជាប់ នៅក្នុងជីវិតរបស់នាង ជារៀងរហូតដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្រលោមលោក & អប់រំ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
