អនាគតរបស់កីឡាករ Dele Alli ជាមួយនឹងក្លិប Tottenham Hotspur ស្ថិតនៅក្នុងភាពស្រពេចស្រពិល បន្ទាប់ពីរូបគេមិនត្រូវបានកោះហៅចូលរួមប្រកួតពីរលើកជាប់ៗគ្នាក្នុងចន្លោះពេល៤ថ្ងៃ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សខ្សែបម្រើវ័យ២៤ឆ្នាំរូបនេះ គ្មានឈ្មោះនៅក្នុងបញ្ជីកីឡាកររបស់ក្រុមដែលដឹកនាំដោយលោក Jose Mourinho នោះទេ នៅក្នុងការប្រកួតដែលក្រុមមាន់ខ្នាយមាសទទួលបានជ័យជម្នះ ៥-២ ទៅលើក្រុម Southampton កាលពីថ្ងៃអាទិត្យ បន្ទាប់ពីរូបគេបានខកខានការប្រកួត Europa League ទល់នឹងក្រុម Lokomotiv Plovdiv កាលពីថ្ងៃព្រហស្បតិ៍នេះ។
យ៉ាងណាមិញ បច្ចុប្បន្នមានក្លិបមួយចំនួនដែលរួមទាំងក្លិបយក្សបារាំង Paris Saint-Germain មានការចាប់អារម្មណ៍ក្នុងការនាំយកកីឡាករអង់គ្លេសមកចូលក្រុមសម្រាប់ការដោះដូរនៅរដូវក្ដៅនេះ។
គួរឲ្យដឹងផងដែរថា លោក Mourinho បានបញ្ជាក់ប្រាប់អ្នកសារព័ត៌មានពីមូលហេតុដែលគ្មានវត្តមានរបស់ Alli គឺដោយសារមានកីឡាករច្រើននៅក្នុងតំណែងដែលគេបានលេង៕
ប្រភព៖ Skysports