ចាំយូរហើយមែនទេ? ទីបំផុតបទថ្មី POST UP របស់ CL ចេញផ្សាយជាផ្លូវការហើយ! (មានវីដេអូ)

កូរ៉េខាងត្បូង ៖ អតីតមេក្រុមតារាចម្រៀងស្រីដ៏ល្បី 2NE1​ គឺ CL ដែលតារាស្រីរូបនេះ បានចាកចេញពីផលិតកម្ម YG អស់រយៈពេលជិត ១ឆ្នាំហើយ គិតពីថ្ងៃទី ៨ ខែ វិច្ឆិកា ឆ្នាំ ២០១៩។

បើទោះបីជាតារាចម្រៀងរូបនេះ បានបញ្ចប់កុងត្រាជាមួយផលិតកម្មយក្សមួយនេះទៅហើយក៏ក្ដី តែនាងនៅតែអាចឈរជើងលើវិស័យសិល្បៈ ជាមួយនឹងការគាំទ្រខ្លាំង មិនចាញ់កាលពីនៅទ្រនំចាស់ឡើយ។

ម្យ៉ាងវិញទៀត តារាស្រីរូបនេះ ពិតជាមានសមត្ថភាពខ្ពស់ អាចច្រៀង រ៉េប និងនិពន្ធបទដោយខ្លួនឯងបាន ជាឪកាសដែលនាង អាចឈរជើងបានយូរ បើទោះបីជាចូលប្រឡូកក្នុងវិស័យនេះ អស់រយៈពេលជាច្រើនឆ្នាំទៅហើយក្ដី។

គួររម្លឹកផងដែរថា បទចម្រៀងថ្មីដែលបានចេញផ្សាយ នៅថ្ងៃទី ១៤ ខែកញ្ញា នេះមានចំណងជើងថា POST UP ទទួលបានការគាំទ្រខ្លាំង តាំងពីចេញរូប Teaser ដំបូងមកម្ល៉េះ៕

ចង់ដឹងថា បទនេះ ពីរោះ ប្លែក និងគួរឲ្យចាប់អារម្មណ៍ប៉ុណ្ណានោះ?

តោះមកទស្សនាវីដេអូចម្រៀងថ្មីរបស់ CL ខាងក្រោម ៖