ខូចណាស់! លឺតារាស្រីម្នាក់នេះបែកពីសង្សារភ្លាម Jaden Smith នាំទៅលេងសមុទ្រភ្លែត

បរទេស៖ តារាសម្តែង និងចម្រៀង Jaden Smith បាននាំតារាបង្ហាញម៉ូត Sofia Richie ទៅលេងនៅឆ្នេរសមុទ្រមួយដែលមានទីតាំងនៅ Los Angeles យ៉ាងរំភើយមិនខ្វាយខ្វល់ ក្រោយពីតារាស្រីរូបនេះ ទើបតែបែកគ្នាជាមួយសង្សារ Scott Distick ក្រោយពីបានទាក់ទងគ្នាអស់រយៈ៣ឆ្នាំរួចមក ។

ដោយឡែក តារាមួយគូនេះ ហាក់បីជាត្រូវដងត្រូវផ្លែនឹងគ្នាយ៉ាងខ្លាំង ដោយមើលទៅជិតស្និទ្ធនឹងគ្នាខ្លាំងមិនធម្មតា ពួកគេនិយាយគ្នាដោយក្រសែរភ្នែករត់ត្របាញ់ចូលគ្នា ជាមួយនឹងទឹកមុខរីកដូចគ្រាប់ជីរត្រូវទឹក មិនត្រឹមតែប៉ុណ្ណោះ តារាបង្ហាញម៉ូតស្រីរូបនេះបានលើកដៃ ឱបរឹត Jaden Smith យ៉ាងណែនមិនខុសពីគូសង្សារដទៃទៀតនោះទេ។

ទោះបីជាយ៉ាងណាក៏ដោយ ទំនាក់ទំនងរវាងតារាទាំងពីរដួងនេះ ស្ថិតក្នុងភាពស្រពិចស្រពិលនៅឡើយ ដោយសារតែពួកគេគឺជាមិត្តភក្តិនឹងគ្នា អស់រយៈពេលជិត១០ឆ្នាំមកហើយ ដូច្នេះការស្រលាញ់គ្នាអាចនឹងមានការពិបាកបន្តិច​ដែរ ចំណែកឯSofia Richie ក៏អាចនឹងត្រូវរ៉ូវនឹង Scott Distick វិញបានដែរ ដោយនេះមិនមែនជាលើកទី១ទេ ដែលពួកគេបានបែកគ្នានោះ៕

សូមចូលមើលរូបភាពខាងក្រោម៖