ចិន៖ មកទល់នឹងបច្ចុប្បន្ននេះ ឃើញថា តារាសម្ដែងស្រីល្បីឈ្មោះ Yang Mi នៅតែអាចគ្រងតំណែងជាតារាស្រីលំដាប់ជួរមុខ ព្រមជាមួយនឹងការគាំទ្រពីទស្សនិកជនជាច្រើន បើទោះបីជាមាន មតិរិះគន់ពីមហាជនមួយចំនួន ពីរូបសម្រស់របស់នាងក៏ដោយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក ថ្មីៗនេះ ស្រាប់តែផ្ទុះការចាប់អារម្មណ៍ ក៏ដូចជាមតិរិះគន់ពីមហាជនមួយចំនួនសាជាថ្មី បន្ទាប់ពីបានឃើញរូបភាពរបស់តារាស្រី Yang Mi ដែលបានបង្ហាញខ្លួននៅក្នុងកម្មវិធីមួយ ជាមួយនឹងតារាស្រីដែលជាសិស្សច្បងម្នាក់ ប៉ុន្តែនៅក្នុងនោះ Yang Mi បែរជាត្រូវបានមនុស្សជាច្រើនមើលឃើញថា នាងហាក់ដូចជាមានរូបសម្រស់ចាស់ជាង សិស្សច្បងម្នាក់នោះទៅទៀត ក្នុងពេលដែលនាង មានអាយុក្មេងជាងដល់ទៅ ៦ ឆ្នាំ។
មិនត្រឹមតែប៉ុណ្ណោះ ដោយយោងតាមសារព័ត៌មាន Sina បានឲ្យដឹងទៀតថា ស្ថានភាពស្បែករបស់ Yang Mi នាពេលបច្ចុប្បន្ននេះមិនមានភាពល្អនោះទេ ហើយ មុននោះតារាសម្តែងស្រីរូបនេះ ក៏ទើបតែបញ្ចេញនូវកម្រងរូបភាព ដែលបានកែសំរួលយ៉ាងល្អិតល្អន់ជាមួយនឹងស្បែកភ្លឺរលោងរលោង ដែលធ្វើឲ្យមើលទៅ គឺមានភាពខុសគ្នាយ៉ាងខ្លាំង ផងដែរ៕
សូមទស្សនារូបភាពខាងក្រោម៖