ភ្នំពេញ៖ កាលពីពេលថ្មីៗនេះ Facebook Page ផ្លូវការរបស់ភាពយន្ត និងប្រលោមលោក «សង្សារ ១៤ថ្ងៃ» របស់អតីតអ្នកនិពន្ធទំនុកច្រៀងល្បីឈ្មោះក្នុងផលិតកម្មរស្មីហង្សមាស លោក សុខ ចាន់ផល បានបង្ហោះនូវដំណឹងល្អមួយជូនទៅដល់អ្នកគាំទ្រស្នាដៃរបស់លោកថា ភាពយន្តដែលថតចេញពីសៀវភៅប្រលោមលោកមួយនេះនឹងមានការចាក់បញ្ចាំងតាមបណ្តារោងភាពយន្តក្នុងពេលឆាប់ៗខាងមុខនេះហើយ ក្រោយពីមានការពន្យារពេលអស់មួយរយៈក្នុងអំឡុងពេលនៃការចាប់ផ្តើមមានជំងឺរាតត្បាត Covid-19។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សភាពយន្តដែលយុវវ័យកំពុងអន្ទះសាចង់ទស្សនានេះ មានការចូលរួមសម្តែងដោយតារាសម្តែងវ័យក្មេងជាច្រើនរូបដូចជា៖ លោក ហូ សារៈ, កញ្ញា ស៊ឹម ស្រីនិច្ច, លោក សាន់នី, លោក លី សុខណេត និងតារាសម្តែងថ្មីៗមួយចំនួនទៀតផងដែរ។
អ្វីដែលគួរឱ្យចាប់អារម្មណ៍ចំពោះភាពយន្ត «សង្សារ ១៤ថ្ងៃ» គឺឃើញថាផ្តើមចេញពីសន្ទុះនៃអ្នកអានសៀវភៅប្រលោមលោកមួយនេះជាច្រើនដែលបានបញ្ចេញមតិកោតសរសើរពីសាច់រឿងទាំងមូល ហេតុផលនេះហើយទើបពួកគេតែងតែទន្ទឹងនូវការទស្សនាជាភាពយន្តវិញម្តងថា តើការសម្តែងរបស់តួអង្គនីមួយៗលេចចេញជារូបរាងដូចនឹងអ្វីដែលអ្នកអានផ្តោតអារម្មណ៍ស្រមៃតាមសៀវភៅដែលឬយ៉ាងណា៕
សូមទស្សនារូបភាពខាងក្រោមរបស់តួអង្គប្រុសស្រីក្នុងភាពយន្តមួយនេះ៖