ក្រោយឃ្លាតពី Camila Cabello មួយរយៈ មហាជនឆ្ងល់ថា នារីម្នាក់ស្និទ្ធស្នាលជាមួយ Shawn Mendes គឺជានរណា?

បរទេស៖ ថ្មីៗនេះ នៅក្នុងបណ្តាញសង្គមមានការចែកចាយ រូបប៉ុន្មានសន្លឹករបស់តារាចម្រៀង Shawn Mendesនិង នារីម្នាក់ស្រស់ស្អាតម្នាក់ដែលបង្ហាញភាពស្និទ្ធស្នាលខ្លាំង ប៉ុន្តែបែរជាម្នាក់នោះមិនមែនជា Camila Cabello ទៅវិញ។

ខណៈពេលថ្មីៗនេះ រូបភាពទាំងនេះបែកធ្លាញពាសពេញបណ្តាញសង្គម ធ្វើឲ្យមហាជនមានចម្ងល់យ៉ាងខ្លាំងថាតើ តារាប្រុសរូបនេះបានបោះបង់ Camila Cabello ហើយស្រវាទៅរក អ្នកថ្មីដែលមានវ័យក្មេងជាង សង្សាររបស់ខ្លួនឬ​ យ៉ាងណាវិញ។

ដោយឡែក តាមការពិតទៅនេះ គ្រាន់តែជាការយល់ច្រឡំតែប៉ុណ្ណោះ នារីដែល Shawn Mendes ​ថតរូបជាមួយដោយ បង្ហាញភាពស្និទ្ធស្នាល ថែមទាំងមានទាំងថើបថ្ពាល់ទៀតនោះ គឺជាប្អូនស្រីបង្កើតរបស់ តារាប្រុសរូបនេះតែប៉ុណ្ណោះ ដោយនាងមានឈ្មោះថា Aaliyah Mendes មានវ័យ១៦ក្នុងឆ្នាំនេះហើយ ដោយកន្លងមកតារាប្រុសរូបនេះតែងតែបង្ហាញក្តីស្រលាញ់ចំពោះប្អូនស្រីរបស់ខ្លួនជារឿយៗ ដោយមានមនុស្សមិនតិចនោះទេ ដែលយល់ច្រឡំនោះ។

រីឯទំនាក់ទំនង តារាប្រុសនិង Camila Cabello ក៏មិនមានអ្វីល្អក់កករនឹងគ្នាដែរ ដោយគ្រាន់តែពួកចង់រក្សាគម្លាតរវាងគ្នាបន្តិច ដោយទុកពេលដើម្បីសម្រុកផ្តោតទៅលើការងាររៀងៗខ្លួនផងដែរ៕

សូមចូលមើលរូបភាពខាងក្រោម៖