រាជធានីភ្នំពេញ ៖ ក្រោយពីបានចូលជ្រកក្នុងទ្រនំថ្មីផលិតកម្មរស្មីហង្សមាស មកអ្នកនាងយក់ ឋិតរដ្ឋា ដែលហាក់ដូចជាស្ងៀមស្ងាត់នោះឥឡូវនេះបានទម្លាយព័ត៌មានថា នាងកំពុងតែហាត់សមទាំងច្រៀង និងកាយវិការសម្តែង ដើម្បីត្រៀមចេញអាល់ប៊ុម ជាលើកដំបូងនៅថ្ងៃទី១៤ កុម្ភៈ ដែលជាថ្ងៃបុណ្យនៃក្តីស្រឡាញ់ ។
យក់ ឋិតរដ្ឋា និយាយថា នាងកំពុងតែស្ថិតនៅក្នុងផលិតកម្មរស្មីហង្សមាស ដូចអ្វីដែលទាន់លេចឮប្រាកដមែន ប៉ុន្តែសព្វថ្ងៃនេះ នាងមិនបានចេញបទចម្រៀងផ្ទាល់ខ្លួននៅឡើយទេ ព្រោះជាគោលការណ៍របស់ក្រុមហ៊ុន គឺចង់ឱ្យនាងរក្សាភាពស្ងៀមស្ងាត់ ហើយដល់ពេលវេលាដែលត្រូវចេញមុខ គឺនឹងធ្វើឱ្យទស្សនិកជនភ្ញាក់ផ្អើល និងគាំទ្រតែម្តង ។ នាងប្រាប់ថា អាល់ប៊ុមបទចម្រៀងដំបូងនឹងត្រូវចេញអំឡុងថ្ងៃបុណ្យនៃក្តីស្រឡាញ់១៤ កុម្ភៈ ឆ្នាំ២០១២ ។ បច្ចុប្បន្ននាងកំពុងតែខិតខំហាត់សម្តែង និងច្រៀងយ៉ាងមមាញឹកដើម្បីឱ្យទាន់ពេលវេលាដែលកំណត់ ។
យក់ ឋិតរដ្ឋា ជាតារាចម្រៀងស្រី ល្បីជាងគេក្នុងអំឡុងឆ្នាំ២០០៥ នៅក្នុងផលិតកម្ម SSB ប៉ុន្តែក្រោយរៀបអាពាហ៍ពិពាហ៍កេរ្តិ៍ឈ្មោះរបស់នាងហាក់ធ្លាក់ចុះខ្លាំង ។
តាមការវាយតម្លៃរបស់សាធារណជន ទឹកដមសំឡេងរបស់អ្នកនាងយក់ ឋិតរដ្ឋា គឺនៅតែរក្សាភាពដើមមិនប្រែប្រួលអ្វីទាំងអស់ ប៉ុន្តែការបាត់បង់ការគាំទ្រមួយរយៈនេះព្រោះតែនាងផ្លាស់ប្តូរផលិតកម្មញឹកញាប់ពេក ហើយភាគច្រើននៃផលិតកម្មដែលនាងជ្រក គឺមិនសូវល្បី ។ ទោះបីជាយ៉ាងណាក៏ដោយមានការរំពឹងទុកថា យក់ ឋិតរដ្ឋា នឹងចាប់ផ្តើមល្បីឡើងវិញអំឡុងពេលនាងចូលច្រៀងឱ្យផលិតកម្មរស្មី ហង្សមាស ។
តាមព័ត៌មានខាងក្រៅឱ្យដឹងថា អ្នកនាងយក់ ឋិតរដ្ឋា ត្រូវក្រុមហ៊ុនយកចិត្តទុកដាក់ឱ្យជំនួសតំណែងតារាចម្រៀងសុគន្ធ និសា ដែលបានចាកចេញពីផលិតកម្មរស្មីហង្សមាស កាលពីពេលថ្មីៗនេះ ។ គេប្រៀបធៀបទឹកដមសំឡេងតារាចម្រៀងល្បីទាំងពីរដួងនេះ គឺប្រហាក់ប្រហែលគ្នា ដូច្នេះបើយកយក់ ឋិតរដ្ឋា ទៅដាក់ជំនួសតំណែងសុគន្ធ និសា នោះគឺសក្តិសម
បំផុត ។
អ្នកនាងយក់ ឋិតរដ្ឋា និយាយថា នាងបានចុះកិច្ចសន្យាច្រៀងក្នុងផលិតកម្មរស្មីហង្សមាសរយៈពេល៥ឆ្នាំ ហើយបទចម្រៀងដែលនាងច្រៀង គឺភាគច្រើនសរសេរដោយលោកខាំ ភូរិ ជាអតីតអ្នកនិពន្ធទំនុកច្រៀងនៅផលិតកម្ម SSB ៕
សូមមើលចំរៀងខ្លះនៅពេលអ្នកនាងរដ្ឋាល្បី រំលឹកនៅអនុស្សាវរីយ៍ចាស់សំរាប់យុវវ័យជំនាន់៤-៥ឆ្នាំមុន
តើចូលចិត្តបទណារបស់រដ្ឋាជាងគេ?
ដកស្រង់ពីកោះសន្តិភាព និងរូបភាពពីសប្បាយ
សូមបងប្អូនជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។សូមអរគុណ ខ្មែរស្រលាញ់ខ្មែរ។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
