ឥណ្ឌា៖ យោងតាមទិន្នន័យរបស់ក្រសួងសុខាភិបាលឥណ្ឌា នាថ្ងៃព្រហស្បតិ៍ ទី០៣ ខែកញ្ញា នេះ បានបង្ហាញពីការកើនឡើងនូវករណីឆ្លងជំងឺកូវីដ-១៩ថ្មី រហូតដល់​ទៅ ៨៣,៨៨៣ករណី ដែលជាអត្រាឆ្លងប្រចាំថ្ងៃខ្ពស់បំផុត មិនធ្លាប់មានពីមុន។ នេះបើតាមការដកស្រង់បន្ដពីសារព័ត៌មាន CNA

តាមរយៈកំណត់ត្រាឆ្លងថ្មីខាងលើ បានរុញករណីឆ្លងសរុបនៃប្រទេសឥណ្ឌាឡើងដល់ជាង ៣.៨៥លានករណី ពោលគឺតិចជាងប្រទេសរងគ្រោះខ្លាំងលំដាប់ទីពីរលើពិភពលោកគឺប្រេស៊ីល ត្រឹមតែជាង១០ម៉ឺនករណីប៉ុណ្ណោះ។ ហើយការរាយការណ៍ពីអត្រាឆ្លងថ្មីប្រចាំថ្ងៃច្រើនជាងគេបំផុតនៅលើពិភពលោកជាប់ៗគ្នា គឺអស់រយៈពេលជិតខែមកហើយ ​​និងករណីស្លាប់មានចំនួនជាង ៦៧,០០០ករណី។

គួរឲ្យដឹងដែរថា ជំងឺកូវីដ-១៩បានរីករាលដាលទៅលើប្រទេស និងដែនដីជុំវិញពិភពលោកចំនួន ២១៣ ហើយ។​ ជាក់ស្ដែង យោងតាមគេហទំព័រអន្ដរជាតិ Worldometer គិតត្រឹមម៉ោង ៣:០០រសៀលថ្ងៃនេះ បង្ហាញថាអ្នកឆ្លងទូទាំងពិភពលោកបានបន្ដកើនដល់ ២៦,១៩៧,៦២៦នាក់ ដោយក្នុងនោះស្លាប់ចំនួន ៨៦៧,៧៤១នាក់ និងជាសះស្បើយវិញចំនួន ១៨,៤៥៧,៨២២នាក់៕

សូមទស្សនារូបភាពខាងក្រោម៖

របៀបឈរតម្រង់ជួរ នៅឥណ្ឌា
ការធ្វើដំណើរតាមមធ្យោបាយដឹកជញ្ជូនសធារណៈ របស់ពលរដ្ឋឥណ្ឌា  
ពលរដ្ឋឥណ្ឌា នៅទីសាធារណៈ 
ការធ្វើតេស្ដ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ