KOOMPI នៅទីបំផុតបានសម្រេចប្រកាសកាលបរិច្ឆេទ នៃការបញ្ជាទិញជាផ្លូវការសម្រាប់ម៉ូឌែលថ្មីបំផុតគឺ KOOMPI E11 ។ ការបើកនេះគឺចាប់ផ្តើមពីខែសីហាតទៅ ដោយ KOOMPI E11 អាចធ្វើការបញ្ជាទិញជាមុនពីគេហទំព័រផ្លូវការរបស់យើង KOOMPI Website។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតើមានអ្វីថ្មី?
ស្រដៀងគ្នាទៅនឹងម៉ូដែលមុនដែរ KOOMPI E11 ត្រូវបានបង្កើតឡើងស្របតាមគំនិតផ្តួចផ្តើម គឺគម្រោង one-student-one-notebook (OSON)។ គម្រោងនេះត្រូវបានផ្តួចផ្តើមគំនិតឡើង ព្រោះពួកយើងមើលឃើញថាសិស្សគ្រប់រូប មិនអាចសិក្សាជំនាញកុំព្យូទ័របានឡើយ បើមានការខ្វះខាតថ្នាក់រៀនកុំព្យូទ័រនៅតាម សាលារៀន ថវិកាផ្ទាល់ខ្លួន ឬអ្នករស់នៅតាមតំបន់ដាច់ស្រយាល។
KOOMPI E11 គឺជាកុំព្យូទ័រយួរដៃ ពណ៌ខៀវស្រាល ខ្នាតតូច ដែលមានទំហំ 11.6 inch ដែលដំណើរការលើប្រព័ន្ធប្រតិបត្តិការ KOOMPI OS របស់ Linux។
វាត្រូវបានផលិតឡើងជាពិសេសដើម្បីឆ្លើយតបទៅរាល់តំរូវការចាំបាច់របស់សាលា ជាពិសេសសំរាប់សិស្សានុសិស្សវ័យក្មេង វាសាកសមជាការវិនិយោគដ៏ល្អ សំរាប់និស្សិត និងឪពុកម្តាយ ដែលចូលចិត្តជម្រើសនូវតម្លៃធូរថ្លៃ សមស្របនឹងថវិកាច្រើនជាង KOOMPI E13 ។
លក្ខណៈពិសេស
KOOMPI E11 ដែលជាកំព្យូទ័រប្រភេទតូចស្តើងមានអង់ផ្ទុកទិន្នន័យ 128GB ព្រមជាមួយនឹង RAM 4GB។ មិនតែប៉ុណ្ណោះ ម៉ូឌែល E11 ក៏នឹងត្រៀមធ្វើការតម្លើងនូវគ្រឿងបង្គុំនៅក្នុងប្រទេសកម្ពុជាផ្ទាល់ដោយក្រុមបច្ចេកទេសរបស់យើងផងដែរ៕