ស្រវឹង​ស្រា​ជិះ​ម៉ូតូ​​បុក​បង្កាន់​ដៃ​ស្ពាន​៧​មករា ស្លាប់​ម្នាក់ របួស​បាក់​ជើង​ម្នាក់

រាជធានីភ្នំពេញ ៖ យុវជនម្នាក់បានស្លាប់ភ្លាមៗ នៅនឹងកន្លែង ចំណែកមិត្តភក្តិ របស់គេម្នាក់ទៀតរងរបួសធ្ងន់ និងត្រូវបានរថយន្តសង្គ្រោះ ៧១១ របស់មន្ទីរពេទ្យកងពលតូចលេខ៧០ ដឹកយកទៅសង្គ្រោះបន្ទាន់ នៅមន្ទីរពេទ្យកាល់ម៉ែត បន្ទាប់ពីពួកគេផឹកស្រាស្រវឹង ហើយជិះម៉ូតូក្នុងល្បឿនលឿន ជ្រុលទៅបុកបង្កាន់ដៃស្ពាន៧មករា ពេញទំហឹង ។ ឧប្បត្តិហេតុគ្រោះថ្នាក់ចរាចរណ៍នោះ បានកើតឡើងកាលពីវេលាម៉ោង១១ និង៣០នាទីយប់ថ្ងៃទី២៧ មេសា ២០១៣ នៅលើកំណាត់ផ្លូវជាតិលេខ៣ ត្រង់ចំណុចស្ពាន៧មករា ស្ថិតក្នុងភូមិទឹកថ្លា សង្កាត់ក្រាំងពង្រ ខណ្ឌដង្កោ ។

ជនរងគ្រោះដែលស្លាប់ឈ្មោះសយ សំណាង ភេទប្រុស អាយុ២៤ឆ្នាំ មានទីលំនៅភូមិពងទឹក សង្កាត់ពងទឹក ខណ្ឌដង្កោ ចំណែកអ្នករងរបួសឈ្មោះឯក ឧត្តម ភេទប្រុស អាយុ១៩ឆ្នាំ រងរបួសបាក់ជើងឆ្វេង មានទីលំនៅភូមិត្នោងជ្រុំ សង្កាត់បឹងទំពុន ខណ្ឌមានជ័យ យុវជនរូបនេះជាអ្នកបើកបរម៉ូតូមួយគ្រឿងម៉ាកអាយខន ពណ៌សលាយផ្កាឈូក ៕

បញ្ចូលអត្ថបទ ៖ បុប្ផា កោះ

ផ្តល់សិទ្ធដោយ កោះសន្តិភាព