បរទេស៖ តារាចម្រៀងរ៉េប Jaden Smith ដែលត្រូវជាកូនរបស់តារាសម្តែង Will Smith នៅពេលថ្មីៗនេះបាននិយាយថា ចាប់ពីពេលនេះតទៅ រូបគេនឹងលែងប្រើប្រាស់ឈ្មោះពេញ ដែលមានជាប់ឈ្មោះឪពុកទៀតដែរ គឺឈ្មោះរបស់គេគឺមានតែ Jaden តែប៉ុណ្ណោះ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក តារាប្រុសរូបនេះ បានបញ្ជាក់ច្បាស់ៗបែបនេះ ហាក់បីដូចជាគ្មានសេចក្តីស្រណោះអ្វីបន្តិចសោះ ប៉ុន្តែរូបលោក មិនបាននិយាយបកស្រាយពីមូលហេតុដែល រូបគេសុខចិត្តកាត់ត្រកូលដែលឪពុកបានដាក់ឲ្យដូច្នេះនោះដែរ ជាពិសេសដោយមានការជម្រុញពីប្អូនស្រី Willow Smith ផងដែលសុទ្ធតែមិនប្រើប្រាស់ត្រកូលឪពុកដូចគ្នា ធ្វើឲ្យការសម្រេចចិត្តមួយនេះ កាន់តែច្បាស់លាស់ផងដែរ។
ក្រោយពីបានឃើញដូច្នេះរួចមក ហ្វេនជាច្រើនបាននាំគ្នាវែកញែ៉ករឿងរ៉ាវដ៏ក្តៅគគុកមួយនេះ ដោយមិនដឹងពីមូលហេតុច្បាស់លាស់សោះឡើយ ប៉ុន្តែមានមតិមួយបានលើកឡើងថា Jaden Smithនិង ប្អូនស្រី ប្រហែលជាចង់កាត់ផ្តាច់ទំនាក់ទំនងជាមួយគ្រួសារហើយ បានជាពួកគេធ្វើរបៀបនេះ៕
សូមចូលមើលរូបភាពខាងក្រោម៖