បារាំង៖ ដូចដែលគ្រប់គ្នាបានដឹងហើយថាក្លិប Paris Saint-Germain កំពុងតែមានទម្រង់លេងល្អណាស់នៅក្នុងពានរង្វាន់ក្នុងស្រុក ដោយយប់មិញក្លិបមួយនេះយកឈ្នះ Lyon នៅក្នុងវគ្គបាល់ប៉េណាល់ទី លើកពាន League Cup របស់បារាំងដែលជាពានទី៣របស់ក្លិបនៅរដូវកាលនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្លិបអ្នកមានរបស់បារាំងមួយនេះមានមហិច្ឆតាចង់ឈ្នះពានធំៗចំនួន៤ក្នុងរដូវកាលនេះ ដោយឈ្នះបានពាន៣រួចមកហើយគឺពាន Ligue 1, French Cup និង League Cup ហើយក៏កំពុងសម្លឹងឃើញពាន UEFA Champions League មួយគ្រឿងទៀតផងដែរ។
ដោយឡែកក្រៅពីជ័យជម្នះ PSG ក៏កំពុងជួបរឿងឈឺក្បាលផងដែរដោយកីឡាករ Mauro Icardi និង Layvin Kurzawa បានទទួលរងរបួសនៅក្នុងការប្រកួតយប់មិញនេះ។ ខ្សែប្រយុទ្ធ ICardi ត្រូវបានដូរចេញក្រោយត្រូវរបួសត្រង់ភ្លៅ ស្របពេលដែល Kurzawa ក៏ត្រូវដូរចេញដូចគ្នាក្រោយមានបញ្ហាសាច់ដុំត្រង់ភ្លៅខាងស្តាំ។ PSG កំពុងតែមានការព្រួយបារម្ភជាខ្លាំងនៅក្នុងការប្រកួតជាមួយ Atalanta ក្នុងពានរង្វាន់ Champions League វគ្គ៨ក្រុមចុងក្រោយខាងមុខនេះ ដោយមានកីឡាករជួរមុខ៣នាក់កំពុងតែមានរបួស បូករួមទាំង Mbappe ផងនោះ៕
ប្រភព៖ football-italia